Ünvanlı sosial yardım layihəsi dünyanın heç bir yerində ömürlük mərhələ deyil.
Modern.az-ın məlumatına görə, bunu Milli Məclisin Əmək və sosial siyasət komitəsinin bu gün keçirilən iclasında komitə sədri Musa Quliyev deyib.
Komitə sədri bildirib ki, bu, keçid layihədir: "Milyonlarla vətəndaşımız neçə illər bu layihədən bəhrələndi. Bu layihənin ən təhlükəli bir cəhəti insanların əməkdən aralanması və ələbaxım öyrənməsidir".
O qeyd edib ki, əlillik dərəcəsi sırf həkim ekspertlərin qiymətləndirdiyi məsələdir:
"Bunun nə qədər çətin və məsuliyyətli iş olduğunu bilirəm. Bu gün o sahədən başı çıxmayan, ümumiyyətlə xəbəri olmayan, həkimlik təhsili almayan adam deyir ki, kiməsə ömürlük əlillik vermək lazımdır və s. Bu qeyri-peşəkar yanaşmadır. Veteranlarla bağlı bilən də, bilməyən də danışdı. Bu bir müavinət, pensiya, sosial yardım növü deyil. Bu Prezidentin təsis etdiyi təqaüddür. Prezident təqaüdünün Milli Məclisdə və digər aidiyyəti orqanlarda müzakirə olunması siyasi etikaya uyğun məsələ deyil", - deyə komitə sədri bildirib.
