Ona görə də bu qanunvericilik aktında diplomat olmaq istəyən soydaşlarımızın qarşısında yüksək peşə satandartları tələbinin əksini tapmasını çox düzgün sayıram. Burada da vurğulanır, bəli, diplomat mütləq xarici dil, ilk növbədə də getdiyi ölkənin dilini bilməlidir. Və unutmamalıdır ki, dil diplomata bir məsəldə deyildiyi kimi əsl niyyətini gizlətmək üçün yox, ilk növbədə onu reallaşdırmaq üçün lazımdır. Bu baxımdan Azərbaycan Prezidenti cənab İlham Əliyev onlar üçün ən böyük örnəkdir.
Modern.az xəbər verir ki, bunu Milli Məclisin deputatı Sahib Alıyev bildirib.
“Əlbəttə, diplomat nə qədər çox bilsə, bir o qədər yaxşıdır. Ancaq onun bir amalı, bir məqsədi, bir hədəfi olmalıdır ki, o da Azərbaycana xidmətdir. Və harada çalışmasından asılı olmayaraq diplomatımız qiblə gözündə də məhz Azərbaycanı görməli, yenə də bu baxımdan liderimizdən örnək götürməldir.
Azərbaycan Prezidenti cənab İlham Əliyevin 44 günlük savaş zamanı, Qərbdəki düşüncə mərkəzlərinin daha çox kontr suallarla təmin edərək üstünə göndərdikləri media təmsilçilərini yerində oturtmasında onun yüksək intellekti, bir neçə dildə mükəmməl danışması ilə yanaşı, burada həlledici faktor vətəninə, millətinə tam bağlı olmasıyıdı, onun maraqlarını hər şeydən üstün tutmasıyıdı. Və mənə elə gəlir ki, onun həmin dövrdəki müsahibələri, beynəlxlaq ekspertlərlə görüşdə verilən sualları necə ustalıqla cavablandırması əsl master klasslardır. Diplomatlarımız bundan çox faydalana bilərlər.
Məhz cənab İlham Əliyevin yüksək diplomatik bacarığı sayəsində biz 4 rayonumuzu ya qismən, ya da tam şəkildə döyüşsüz işğaldan qurtarmağı bacardıq, İkinci Qarabağ savaşındakı zəfərimizi bunun maraqlarına cavab vermədiyini düşünənlərə həzm etdirdik, Fransa kimilərin BMT-də əleyhimizə yönəlik qətnamaələrinin qəbulunun qarşısnı aldıq, rəsmi Parisin beynəlxlaq müstəvidəki antiAzərbaycan fəaliyyətini xeyli təsirsizləşdirdik. Ölkəmizi təcriddə saxlamağa çalışanların, boykotla hədələyənlərin özlərini təcriddə saxladıq ki, burada deyildi: COP29-un uğurlu təşklili onun ən gözəl sübutudur.
Hörmətli həmkarlar, dövlətin beynəlxalq subyekt olub-olmaması ilk növbədə onun diplomatiyasında özünü göstərir ki, Azərbaycan BMT Təhlükəsizlik Şurasına üzvülüyü və Qoşulmama Hərakatına sədrliyi dövründə bütün dünyaya üzərinə yüksək məsuliyyət götürməyi bacaran prinsipial bir dövlət performansı sərgilədi.
Bu gün Azərbaycan diplomatiyasının qarşısında ilk növbədə regiona dayanıqlı və davamlı sülh gətirmək, 30 ildə ölkəmizə qarşı tötərtdiyi vəhşiliyə görə işğalçı Ermənistana təzminat ödətdirmək vəzifəsi durur. Əminəm ki, diplomatlarımız cənab Prezidentin liderliyi altında bu vəzifələrin də öhdəsindən uğurla gələcəklər”,-o deyib.
