Milli Məclisin Mədəniyyət komitəsinin sədri Polad Bülbüloğlu rəqqaslarla bağlı təkliflə çıxış edib.
Modern.az-ın məlumatına görə, o, bu barədə komitənin bu gün keçirilən iclasında danışıb.
O qeyd edib ki, rəqqasların daha tez təqaüdə çıxması ilə bağlı təkliflər hazırlanır.
Komitə sədri hazırda təkliflər üzərində işlədiyini və gələn il müzakirəyə təqdim edəcəyini bildirib:
"Qanun dəyişməlidir ki, rəqqaslar 20-22 ildən sonra təqaüdə çıxa bilsinlər. 65 yaşında da rəqqas olar?!. Yenidən təkliflər hazırlanır ki, rəqqaslar əvvəlki kimi təqaüdə çıxa bilsinlər. Onlar fəaliyyətinə uyğun təqaüd də almalıdır”.
