Zodiakın sonuncu və özündən əvvəl gələn bütün bürclərin müsbət xarakterlərini özündə birləşdirildiyi deyilən Balıqlar bürcünün əsas və özünəməxsus xarakterik xüsusiyyətləri onların emosional, həssas və yaradıcı təbiətindən irəli gəlir. Onlar su elementinə aid olduqları üçün intuitiv və duyğulara əsaslanan bir yanaşmaya malikdirlər. 

Astroloqlar vurğulayır ki, "Balıqlar" dərin hisslərə malikdir və başqalarının duyğularını tez bir zamanda anlayır. Onlar şəfqətli və empatik insanlardır, başqalarının problemlərini özlərininki kimi qəbul edə bilirlər. Balıqlar bürcü altında doğulan insanlar sənət, musiqi və yazıçılıq sahələrində yüksək istedada malikdirlər. Onların zəngin təsəvvürləri var, bu da "Balıqlar"ın yaradıcı layihələrdə uğurlu olmasına kömək olur. Onlar başqalarının nə düşündüyünü və ya hiss etdiyini sözsüz anlaya bilirlər.

Bu bürcün mənfi tərəfləri də az deyil. "Balıqlar" çox xəyalpərəstdirlər. Onlar bəzən reallıqdan uzaqlaşaraq, öz dünyalarında yaşamağa üstünlük verirlər. Bu onlara ilham verə bilər, lakin bəzi hallarda problemlərdən qaçmağa da gətirib çıxara bilər. Onlar bəzən içlərinə qapanıb sakitlik və tənhalıq axtarırlar. Bu, enerjilərini bərpa etməyə kömək edir. Bu bürcün nümayəndələri sosial mühitdə tez yorula bilərlər. "Balıqlar" sevdikləri insanlar üçün çox fədakar ola bilirlər. Onlar başqalarına kömək etməkdən zövq alırlar. Lakin bu fədakarlıq bəzən sui-istifadəyə yol aça bilər.

Bu bürcün ulduzu altında doğulan insanlar astrologiyanın ən ziddiyətli şəxsləri də hesab olunur. "Balıqlar" bəzən həyatlarında qarşıdurmalar yaşayırlar. Onlar həm emosional, həm də rasional olmaq istəyirlər, bu isə daxili ziddiyyət yarada bilər. Onların tez-tez qərar verməkdə çətinlik çəkməsini görmək də mümkündür.

Modern.az parlamentin Balıqlar bürcü altında doğulan deputatlarının siyahısnı təqdim edir.

1.  Azər Allahverənov
2. Novruzəli Aslanov
3. Arzuxan Əlizadə
4. Bəxtiyar Əliyev
5. Tural Gəncəliyev
6. Eldar İbrahimov
7. Sahibə Qafarova
8. Mircəlil Qasımlı
9. Mahir Süleymanlı
10. Mixail Zabelin