Azərbaycanda Rus İcmasının sədri, Milli Məclisin deputatı Mixail Zabelin parlamentin bu gün keçirilən plenar iclasında iştirak etməyib.
Modern.az-ın məlumatına görə, buna səbəb deputatın sağlamlığında problemlər yaranması olub.
Deputatın köməkçisi Firdovsi Cahangirov saytımıza açıqlamasında məlumatı təsdiqləyib.
Mixail Zabelin eyni səbəbdən Azərbaycana məxsus təyyarənin Rusiya tərəfindən hücuma məruz qalmasına şərh verə bilməyib.
Xatırladaq ki, dekabrın 25-də AZAL-a məxsus Bakı-Qroznı reysilə uçan “Embraer 190” təyyarəsi Qazaxıstanın Aktau şəhərində qəza enişi edib. Nəticədə təyyarənin göyərtəsində olan 67 nəfərdən 38-i həlak olub.
İlkin məlumatlara görə, Qroznı səmasında Rusiyanın raket hücumuna məruz qalan və "Pantsir-S1” zenit-raket kompleksi tərəfindən ciddi zərbə alan təyyarə Aktauya istiqamətlənib. Ona Qroznıya yaxın aeroportlara eniş etməyə icazə verilməyib. Təyyarə Aktau aeroportuna 3 dəqiqəlik məsafə qalanda qəzaya uğrayıb. Hadisə zamanı həlak olanlardan 25-i Azərbaycan vətəndaşlarıdır.
