Rusiyada vurulması nəticəsində qəzaya uğrayan təyyarədə həyatını itirənlərə Allahdan rəhmət, yaralılara şəfa diləyirəm. Həyatını itirənlər Azərbaycana gətirilib.
Modern.az-ın məlumattına görə, bunu Milli Məclisin deputatı Sahib Alıyev plenar iclasda çıxışı zamanı deyib.
“Böyük dövlətlərin davranışını nəzərə alsaq, bu, bizim üçün təkcə faciə deyil, həm də sınaqdır. Cənab Prezidentin hadisə baş verən kimi Sankt-Peterburq səfərini ləğv edib ölkəyə qayıtması, nazirləri hadisə yerinə yollaması, dəqiqləşdirilməmiş məlumatların verilməməsi, bəlli dairələrin Azərbaycan-Rusiya münasibətlərinin pozulması ilə bağlı cəhdlərinin qarşısını alması Azərbaycan dövlətinin soyuqqanlı və məsuliyyətli davrandığını göstərir”.
O qeyd edib ki, Qeyri-adekvatlığı ilə diqqət çəkən bəzilərinin yardım təklifini rədd edən, təyyarənin vurulması faktınının təsdiqlənməsini və buna da uyğun addımlar atılmasını istəyən dövlətimizin özünü böyük sayanlardan nə qədər ucada durması da, uçuş heyətinin yüksək peşəkarlığı və gözyaşardıcı fədakarlığı da daim yaddaşlarda qalacaq:
"Kaş ki, təyyarəmizi səhv salıb vuranlar da az da olsa, vurduqları təyyarədəki uçuş heyətinin üzvlərinə bənzəyərdilər.
Bu günlərdə millətimizin, eyni zamanda başında lider yox, muzdlu bloqerin durduğu AXCP ilə Müsavatı çıxmaqla ölkədəki bütün partiyaların sərgilədikləri yüksək həmrəyliyi, mediamızın peşəkar davranışını ayrıca qeyd etməyə bilmirəm. İnsanpərvərliklərinə, qardaşcasına hərəkətlərinə görə qazax xalqına bu yüksək kürsüdən minnətdarlığımı çatdırıram".
