Orqanın (qurumun) rəhbəri korrupsiya Risklərinin idarə edilməsi məqsədilə səlahiyyətli struktur bölmə (şəxs) müəyyən edəcək.
Modern.az xəbər verir ki, bu, Milli Məclisin bu gün keçirilən iclasında müzakirəyə çıxarılan "Korrupsiyaya qarşı mübarizə haqqında" qanuna təklif edilən dəyişiklikdə əksini tapıb.
Layihəyə əsasən, korrupsiya risklərinin idarə edilməsi prosesinə xüsusi bilik tələb edən sahələr üzrə mütəxəssislər cəlb edilə bilər.
Orqanda (qurumda) hər il yanvarın 15-dən aprelin 15-dək əvvəlki ili əhatə edən korrupsiya Risklərinin müəyyən edilməsi, təhlili və qiymətləndirilməsi aparılır. Korrupsiya ilə əlaqədar hüquqpozmalar haqqında daxil olan müraciətlərin ümumiləşdirilməsinin nəticələrinə əsasən fəaliyyətindən daha çox şikayətlərin daxil olduğu struktur bölmədə və ya tabeliyində olan qurumda orqanın (qurumun) rəhbərinin qərarına əsasən digər müddətlərdə də Risklərin müəyyən edilməsi, təhlili və qiymətləndirilməsi keçirilə bilər.
Korrupsiya risklərinin müəyyən edilməsi, təhlili və qiymətləndirilməsi həyata keçirilərkən aşağıdakı məlumatlar nəzərə alınır:
- hüquqi və fiziki şəxslər arasında keçirilən sorğuların nəticələri;
-korrupsiya ilə əlaqədar hüquqpozmalar haqqında daxil olan müraciətlər və həmin muraciətlər əsasında aparılan araşdırmaların nəticələri;
- mediada, həmçinin Internet informationasiya ehtiyatlarında və ya information-telekommunikasiya şəbəkələrində yayılan Information və Korrupsiya Risklərinin müəyyən edilməsi üçün mənbəyi məlum olan digər məlumatlar;
- orqanın (qurumun) fəaliyyətini tənzimləyən hüquqi aktlar;
- orqanın (qurumun) fəaliyyəti üçün xarakterik olan, mütəmadi olaraq baş verən korrupsyaya şərait yaradan hallar;
- orqanın (qurumun) fəaliyyətinə dair inzibati məhkəmə icraatında baxılan inzibati mübahisələrinsayı, predmeti və bunlarla bağlı müvafiq qərarlar.
Korrupsiya riskləri həmin Risklərə uyğun olaraq müəyyən edilən hədəflər, eləcə də Risklərin qiymətləndirilməsinin nəticələri və Bununla əlaqədar cari il üçün müəyyən edilən tədbirlər, həmçinin əvvəlki il üzrə müəyyən edilmiş tədbirlərə dair görülmüş işlər barədə məlumatlar hər il iyunun 1-dək Komisiyaya təqdim edilməlidir. Korrupsiya riskləri, həmin Risklərə uyğun olaraq müəyyən edilən hədəflər, eləcə də Risklərin qiymətləndirilməsinin nəticələri və görülmüş işlər barədə məlumatlar dövri olaraq ictimaiyyətə açıqlanır.
Komissiya ona təqdim edilən məlumatların təhlili əsasında müvafiq orqana (quruma) korrupsiya Risklərinin idarə edilməsinə dair tövsiyələr, həmçinin korrupsyaya qarşı mübarizə haqqında qanunvericiliyin təkmilləşdirilməsi ilə bağlı təkliflər verə bilər.
Orqanların (qurumların) fəaliyyətində korrupsiya Risklərinin idarə edilməsi daydaları müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.
Orqanların (qurumların) rəhbərləri korrupsiya ilə əlaqədar hüquqpozmalarla bağlı məlumatların idarədaxili qaydada verilməsi mexanizmini müəyyən etməli, işçilərin və iş görən və ya xidmət göstərən digər şəxslərin (bundan sonra İşçilərin) korrupsiya ilə əlaqədar hüquqpozmalarla bağlı məlumatları qəbul etmək səlahiyyətinə malik subyektlər, bu subyektlərə və korrupsiyaya qarşı mübarizə sahəsində ixtisaslaşmış orqanlara müraciət etmə qaydaları, müraciətə baxılmanın nəticəsi və corrupsiya ilə əlaqədar hüquqpozmalarla bağlı məlumat verən şəxslərin hüquqları ilə tanış olmalarını təşkil etməlidirlər.
Orqanların (qurumların) rəhbərləri, həmin orqanın (qurumun) strukturu, İşçilərinin say həddi, fəaliyyət istiqamətləri, iş həcmi nəzərə alınmaqla korrupsiya ilə əlaqədar hüquqpozmalarla bağlı məlumatların qəbul edilməsi və araşdırılması üçün səlahiyyətli struktur bölmə (şəxs) müəyyən edirlər.
