Sosial işçilərin və sosial xidmətçilərin şərəf və ləyaqətinə hörmətlə yanaşmaq maddəsinin əlavə edilməsi çox əhəmiyyətlidir.
Modern.az xəbər verir ki, bunu Milli Məclisin Əmək və sosial siyasət komitəsinin iclasında “Sosial Xidmət Haqqında” qanuna dəyişikliklərin müzakirəsi zamanı çıxışında deputat Əziz Ələkbərov bildirib.
“Bəzən sosial işçilərin əksəriyyəti təhqir edilib qovulur. Ona görə də bu dəyişiklik çox gözəl addımdır. Bununla yanaşı Sosial işçi evlərə gedir və gördüyü şəraitə əsasən hesabat verir. Lakin o ailələri yerli icra nümayəndələri daha yaxşı bilər. Ona görə də sosial işçilərlə bir yerdə yerli icra nümayəndəlrəi də iştirak etsə, yaxşı olar”,-o deyib.
