Müasir Azərbaycan dövlətinin banisi və qurucusu Ulu Öndər Heydər Əliyevin milli dövlətçilik tariximizdə xüsusi yeri, xidməti və rolu vardır.  Azərbaycanın son altmış ildəki mövcudluğu,  inkişafı  və uğurları Ulu Öndər Heydər Əliyevlə və onun siyasi irsi ilə bağlıdır.

Modern.az xəbər verir ki, bunu deputat Musa Quliyev Milli Məclisin “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusuna həsr olunan xüsusi iclasında çıxışı zamanı deyib.     
"Dünyada öz dövrünün ən xarizmatik liderlərindən biri kimi tanınan və qəbul edilən Heydər Əliyevin uğurlarının əsasında bu böyk dövlət adamının digər şəxsi keyfiyyətləri ilə yanaşı, çoxşaxəli fəaliyyətində həmişə haqqa, ədalətə, dürüstlüyə, qanunçuluğa istinad etməsi idi.

Sovet Azərbaycanına rəhbərliyi dövründə Ümummilli Lider Heydər Əliyevin xalq, dövlət və tarix qarşısında ən böyük xidmətlərindən biri də milli intibahın, tarixi şüurun oyanışına yönəluk qərarlar qəbul etməsi, fəaliyyət göstərməsi, 1977- ci ildə SSRİ-də aparılan Konstitusiya islahatları çərçivəsində Azərbaycan dilinin  Azərbaycan SSR-nin Konstitusiyasına Dövlət dili kimi təsbit edilməsi olub.

Cənab Prezident İlham Əliyevin Sərəncamı ilə Konstitusiya və Suverenlik ili elan olunmuş 2025- ci ildən geriyə- 1977- ci ilə doğru boylanaraq fikir söyləmək o qədər də çətin deyildir. Ancaq Kommunist partiyasının qılıncının dalı da, qabağı da kəsdiyi həmin dövrdə bir müsəlman ölkəsinin Konstitusiyasında Azərbaycan  dilini dövlət dili kimi təsbit etmək böyük siyasi iradə, dərin ağıl və cəsarət təlıb edən tarixi bir addım idi.

Respublika rəhbərliyinə ikinci dəfə qayıtdıqdan sonra böyük siyasi, hərbi, iqtisadi çətinliklərə baxmayaraq Ümummilli lider Heydər Əliyev Azərbaycanın inkişaf strategiyasını işləyib hazırladı. Ulu Öndər Heydər Əliyevin müəllifi olduğu  müstəqil Azərbaycanın ilk Konstitusiyasında ölkəmizin siyasi sistemi, insan hüquq və azadlıqları, iqtisadi münasibətlər və sosial təminatlar kimi mühüm müddəalar öz əksini tapıb", - o deyib. 

Komitə sədri vurğulayıb ki, Ulu Öndər Heydər Əliyevin apardığı sosial- iqtisadi islahatların nəticəsində ölkəmiz iqtisadi sabitlik və inkişaf dövrünə qədəm qoyub: 

"Heydər Əliyevin müasir dövlətçilik siyasətinin başlıca prinsipi “dövlət xalq üçündür” ideyasıdır. Ümummilli liderin müəllifi olduğu Konstitusiyamızda bu ideyanın sosial mahiyyəti bariz şəkildə öz təsdiqini tapmışdır. 

Heydər Əliyevin qurduğu müasir Azərbaycan dövlətinin daxili siyasətində, sosial ədalət, sosial rifah, sosial müdafiə xətti həmişə prioritet istiqamət kimi müəyyən olunur. Heç təsadüfi deyildir ki, bizim dövlət büdcəmizdə sosial xərclərin payının 30%-dən yuxarı olması artıq ənənə halını almışdır. 

Ulu öndər Heydər Əliyev böyük uzaq görənliklə deyirdi ki, mənim görüb başa çatdırmadığım işləri azərbaycan xalqının dəstəyi ilə İlham Əliyev başa çatdıracaq. 

Cənab prezident İlham Əliyevin ölkəyə rəhbərliyi dövründə böyük sosial iqtisadi uğurlara imza atılmışdır. Qısa müddət ərzində respublikada işsizlik 5%-ə, yoxsulluq isə 5,6%-ə endirildi. Cənab prezident İlham Əliyevin rəhbərliyi altında 2003-2025- ci illərdə Azərbaycanda 2,2 milyon yeni iş yeri açılmış, minimum əmək haqqı 44 dəfə artaraq 400 manata, orta aylıq əmək haqqı 13 dəfə artaraq 1010 manata, minimum pensiya 16 dəfə artaraq 320 manata, orta aylıq pensiya 22 dəfə artaraq 535 manata çatmışdır.

2019-cu ildən başlayaraq ölkəmizdə cənab Prezident İlham Əliyevin tapşırıqlarına uyğun olaraq 5 dərin sosial islahatlar zərfi qəbul edilmişdir. Bu paketlərin illik maliyyə dəyəri 8.5 milyard manat təşkil edir və 4 milyon vətəndaşın sosial təminatının yaxşılaşmasına xidmət edir. Tarixdə az ölkə tapmaq olar ki, cəmi 30 il ərzində belə uğur hekayəsi yaza bilsin.

Bu gün Ulu Öndərin ruhu şaddır! Onun planlaşdırdığı, lakin həyata keçirməyə imkan tapa bilmədiyi bütün işləri, xüsusən, torpaqlarımızın işğaldan azad edilməsi və ərazi bütövlüyümüzün təmin olunmasını oğlu və siyasi varisi prezident İlham Əliyev böyük uğurla həyata keçirmişdir və Azərbaycan bayrağı ölkəmizin hər yerində qürurla dalğalanır!"