Hökumət parlamentə hesabat verməsi ilə bağlı qanunda dəyişiklik edilir.
Modern.az-ın məlumatına görə, Nazirlər Kabineti artıq martın 31-dək Milli Məclisə hesabat verməli olacaq.
Məsələ ilə bağlı “Azərbaycan Respublikasının Milli Məclisinin Azərbaycan Respublikasının Nazirlər Kabinetinə etimad məsələsinin həll edilməsi hüququnun əlavə təminatları haqqında” Konstitusiya Qanununa dəyişiklik ediləcək.
Qanunun birinci maddəsində deyilir ki, Nazirlər Kabineti hər il Milli Məclisin yaz sessiyasının beşinci iclasında Nazirlər Kabinetin fəaliyyəti haqqında hesabat verir.
Dəyişikliyə əsasən, artıq Nazirlər Kabineti hər il martın 31-dək Nazirlər Kabinetinin fəaliyyəti haqqında hesabat verəcək.
Qanun layihəsi mayın 16-da keçiriləcək iclasında müzakirə ediləcək.
