Laçında keçitilən üçtərəfli zirvə görüşü,dostluğun,qardaşlığın parlaq təzahürü idi.
Modern.az xəbər verir ki, bunu deputat Vüqar İskəndərov parlamentin bugünkü plenar iclasında çıxışı zamanı bildirib.
"Üç liderin Laçın görüşü həm regional,həm də qlobal miqyasda bir çox vacib mesajları çatdırmış oldu. Azərbaycan dünyaya Şərqi Zəngəzuru,füsunkar Laçını,işğaldan azad olunmuş ərazilərin bərpasını,yenidən qurulmasını,görülən işlərin miqyasını nümayiş etdirdi. Liderlər bütün sahələrdə,siyasi hərbi,iqtisadi,humanitar sahələrdə birgə qarşılıqlı faydalı əməkdaşlığı təbliğ etdilər. Dostlar sevinir, gözü götürməyənlər isə narahatdırlar. Çünki bu birlik dostluqla bərabər,düşmənə göz dağıdır. Hindistanın xəbər saytlarının tez-tələsik Ermənistan və digər dövlətlərlə birlik yaratmağa çağırması və narahatlıq keçirməsi dediklərimizə bariz nümunədir. Düşünürük ki, Laçın zirvə görüşü zaman keçdikcə öz bəhrəsini verəcək və bu möhtəşəm hadisə hər üç ölkənin tarixinə qızıl hərflərlə yazılacaq!".
Qeyd edək ki, mayın 28-də Azərbaycan-Türkiyə-Pakistan liderlərinin Laçında zirvə görüşü keçirilib.
