“Milli Məclisin növbəti plenar iclası martın 6-da keçiriləcək. İclasın gündəliyinə 17 məsələ təklif olunub”. Bunu Modern.az-a açıqlamasında Milli Məclisin mətbuat katibi Akif Təvəkküloğlu deyib.
Onun sözlərinə görə, növbəti iclasda İnsan Hüquqları üzrə Müvəkkilin - Ombudsmannın illlik məruzəsi dinlənilib müzakirə olunacaq.
Bundan başqa, Su Məcəlləsinə, Torpaq Məcəlləsinə, Cinayət Məcəlləsinə, İnzibati Xətalar Məcəlləsinə, “Ovçuluq haqqında”, “Heyvanlar haqqında”, “Dini etiqad azadlığı haqqında”, “Dərman vasitələri haqqında” və “Siyasi partiyalar haqqında” qanunlarda dəyişikliklər edilməsi nəzərdə tutulur.
Eyni zamanda, “Vətəndaşların müraciətləri haqqında” qanun layihəsi birinci oxunuşda müzakirəyə təqdim olunacaq.
Namidə BİNGÖL
