Milli Məclisin deputatı Rafael Hüseynov Mədəniyyət komitəsinin iclasında Azərbaycanda dövlət atributlarından biri olan “gerb” sözünün dəyişdirilməsini təklif edib. Modern.az parlamentdən bildirir ki, deputat işlədilən “gerb” sözünün yanlış olduğunu və təhrifə uğradığını vurğlayıb. Millət vəkilinin fikrincə, “gerb” sözü “heraldika” sözündən götürülüb də Azərbaycan dilində müvafiq olaraq “heraldika” sözü işlənir. Deputat hesab edir ki, əgər müvafiq ifadə işlənirsə, o zaman “gerb” sözü də əvəzlənməlidir. Deputat bununla bağlı Nazirlər Kabinetinə müraciəti vacib sayıb.
