Mədəniyyət Komitəsinin üzvü Milli Məclisdə AXC-nin banisi ilə bağlı məsələ qaldırdı
Modern.az-ın məlumatına görə, Milli Məclisin Mədəniyyət Komitəsinin bu günkü iclasında deputat, Azərbaycanın xalq artisti Zeynəb Xanlarova Azərbaycan Xalq Cümhuriyyətinin banisi, Müsavat Partiyasının ilk rəhbəri Məhəmməd Əmin Rəsulzadənin Türkiyədəki qəbrinin Azərbayacana gətirilməsi məsələsini qaldırıb.
Komitədə çıxış edən Z.Xanlarova bildirib ki, Azərbaycan dövlətinin qurucusu olan M.Ə.Rəsulazadənin qəbri önun vətənində olmalıdır.
“Ürəyimdən gələn səsim bunu deyir. Azərbaycan dövlətinin yaradıcısı Məhəmməd Əminin qəbri ölkəmizə gətirilməlidir. Bununla bağlı məsələ müvafiq orqanlaın qarşısında qaldırılmalıdır”-deyə Z.Xanlarova bildirib.
Mədəniyyət Komitəsinin sədr müavini Rafael Hüseynov isə bunun mümkün olmadığını söyləyib. R.Hüseynov qəbrin açılmasının dini baxımdan düzgün olmadığını deyib. Deputatın fikrincə, Bakıda Azərbaycan Xalq Cümhuriyyəti qurucularına mavzoley yaradıla bilər.
Modern.az
