Milli Məclisin Mədəniyyət komitəsinin iclasında deputat Rafael Hüseynov “Qəbiristanlıq və ziyarətgahlar haqqında" qanun layihəsinin hazırlanmasını təklif edib.
Modern.az komitənin iclasından xəbər verir ki, deputat bu təklifini xarici ölkə təcrübəsi ilə əsaslandırıb. R.Hüseynov qeyd edib ki, Fransada olarkən qəbir yerlərinin qanunvericilklə müəyyən olunmuş xüsusi sahiblərinin olduğunu görüb.
“Azərbaycanda da belə ziyarətgahların hüquqi bazasının olması yaxşı olardı” deyən deputatın təklifi birmənalı qarşılanmayıb.
Komitənin sədri Nizami Cəfərov zarafatyana bildirib ki, “Qəbiristanlıqlar barədə qanunu qoy Hadi Rəcəblinin komitəsi hazırlasın”.
Modern.az
