İran Dağlıq Qarabağ münaqişəsinin sülh yolu ilə həlli üçün aparılan danışıqların intensiv xarakter almasından təşvişə düşüb.
Modern.az saytının verdiyi xəbərə görə, bu barədə Ermənistanın “Aykakan Jamanak” nəşri diplomatik mənbələrinə istinadən məlumat yayıb.
Qəzet yazıb ki, rəsmi Tehran əsasən, Rusiyanın xarici işlər naziri Sergey Lavrovun planı olduğu bildirilən, işğal altındakı 5 rayonun Azərbaycana qaytarılmasından narahatdır.
İddiaya görə, İran öz sərhədində belə dəyişiklikləri maraqlarına zidd kimi qiymətləndirir və bu prosesə təsir göstərməyə çalışır.
Qeyd edək ki, Bakıda avqust ayının 8-də Rusiya, Azərbaycan və İran prezidentlərinin görüşü gözlənilir. “Ajkakakan Jamanak” yazıb ki, İran prezidenti Həsən Ruhani Bakıda məsələ ilə bağlı öz narahatlığını bildirəcək.
Aqşin KƏRİMOV
