Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu “Azərbaycan media məkanında ədəbi dilin qorunması” mövzusunda layihə müsabiqəsi élan edib. Bu barədə Modern.az-a KİV DF-dən məlumat verilib.
Müsabiqənin məqsədi mediada ədəbi dilin xüsusiyyətlərinin qorunması, bu sahədəki problemlərin üzə çıxarılmasıdır.
Müsabiqə fondu 30 000 (otuz min) manat təşkil edir və 2 istiqamətdə həyata keçirilir:
1 .Azərbaycan tele-radio məkanında ədəbi dilin qorunması - 15 min manat.
2 .Azərbaycan mətbuat məkanında ədəbi dilin qorunması - 15 min manat.
Müsabiqədə iştirak:
Layihə müsabiqəsində dövlət qeydiyyatından keçmiş, söz və məlumat azadlığı, KİV-lərin inkişaf etdirilməsi, jurnalist fəaliyyətinin təkmilləşdirilməsi sahəsində azı 1 illik təcrübəsi olan, layihələr icra etmiş jurnalist təşkilatları iştirak edə bilərələr.
Layihənin qiymətləndirilməsi:
Bunun üçün aşağıdakı meyarlar əsas götürülür:
- layihənin məqsədinin aydınlığı və konkretliyi;
- layihənin fəaliyyət planının inandırıcı olması;
- layihənin büdcəsinin reallığı;
- ərizə formasının, layihə və ona əlavə olunmuş sənədlərin müsabiqə qaydalarına və tələblərinə uyğunluğu;
- layihə təqdim etmiş jurnalist təşkilatının KİV-lərlə iş təcrübəsinə malik olması;
- layihə təqdim etmiş jurnalist təşkilatının Bakı şəhərində normal iş şəraitinə malik ofisinin olması
Hər qurum bir layihə təqdim edə bilər
Müsabiqəyə sənədlər 26 aprel - 5 may 2011-ci il tarixlərində rəsmi iş günləri saat 10.00-dan 16.00-dək Kütləvi İnformasiya Vasitələrinin İnkişafına Dövlət Dəstəyi Fondunun ofisində (Bakı şəhəri, Mətbuat prospekti 529-cu məhəllə, Azərbaycan Mətbuat Evi) qəbul edilir.
Modern.az
