Azərbaycanda nazirlik saytlarının yeni reytinq cədvəli açıqlanıb | Modern.az

İyunun 29-da  Multimedia Mərkəzi tərəfindən “Azərbaycanda “Açıq hökumət”  təşəbbüsünün həyata keçirilməsində  vətəndaş cəmiyyətinin  rolunun gücləndirilməsi “   mövzusunda dəyirmi masa keçirilib.

Tədbirdə Multimedia Mərkəzinin direktoru  Osman Gündüz “Açıq Hökumət Tərəfdaşlığı” (AHT) haqqında məlumat verib və bu istiqamətdə ölkədə aparılan işləri diqqətə çatdırıb.  O, AHT-nin əsas prinsiplərindən olar informasiya açıqlığı və elektron hökumət quruculuğu sahəsində Mərkəz tərəfindən görülən işlərdən danışıb. Osman Gündüz  informasiya  açıqlığı üzrə mərkəzi və yerli icra   qurumlarının növbəti reytinq  cədvəlini və hesabatı  ictimaiyyətə təqdim edib.
O, 6 ay ərzində  64 dövlət  qurumunun və 67 yerli icra hakimiyyətlərinin rəsmi internet resursunun monitorinqinin aparıldığını  qeyd edib.  Rəsmi saytların 60  parametr üzrə kəmiyyət  və  keyfiyyət kriteriyaları və sosial əhəmiyyətlilik səviyyəsi nəzərə alınmaqla  informasiya  açıqlığı  vəziyyətinin analiz olunduğu  bildirilib.  

Osman Gündüz builki monitorinq prosesində mərkəzi icra orqanları tərəfindən göstərilən elektron xidmətlərin də araşdırıldığını bildirib. Ölkə prezidentinin 23 may tarixli elektron xidmətlərlə bağlı  Fərmanından sonrakı 1 il ərzində   dövlət qurumları tərəfindən bu istiqamətdə xeyli işlərin görüldüyü diqqətə çatdırılıb. Hazırda 260-dan çox  elektron xidmət təklif olunsa da, onun yalnız 94-nün interaktiv olması və mövcud tələblərə cavab verməsi qeyd edilib.

Osman  Gündüz  həm informasiya açıqlığı sahəsində, həm də elektron xidmətlərlə bağlı dövlət  qurumları arasında kəskin informasiya bərabərsizliyinin olduğu  vurğulanıb.

Monitorinqin nəticələrinə əsasən informasiya  açıqlığı üzrə Reytinq Cədvəlində 1-ci , 2-ci və 3-cü yerləri müvafiq olaraq Vergilər Nazirliyi (71%), DSMF (68%) və Dövlət Qulluğu Məsələləri üzrə Komissiya (65%) tutub. Sonuncu yerlər isə Nazirlər Kabinetinə və Müdafiə Nazirliyinə məxsusdur.

64 Mərkəzi icra qurumları üzrə orta informasiya  açıqlığı  göstəricisi  33.5% ( ötən il 27%) olub. Yerli icra hakimiyyətləri üzrə orta informasiya açıqlığı göstəricisi isə cəmi 7% olub.

Yerli İcra qurumları arasında 1-ci , 2-ci və 3-cü yerləri Binəqədi İH (20.9%), Qəbələ İH (15.6%) və Xətai İH (15.5) əldə edib. Şəhər icra hakimiyyətləri içərisində 1-ci yeri Şəki şəhər İH (34 %) tutub.

Dəyirmi Masada Dövlət Qulluğu Məsələləri üzrə Komissiyanın nümayəndəsi Asif Əliyev, İREX –in əməkdaşı Ələsgər Məmmədli , RİTN-nin Hüquq şöbəsinin müdiri Bəxtiyar Məmmədov, Əmək və Əhalinin Sosial müdafiəsi Nazirliyinin nümayəndəsi Elnur Sultanov, Milli Büdcə Qrupunun koordinatoru Qalib Abbaszadə, QHT-lərə Dövlət Dəstəyi Şurasının üzvü Əliməmməd Nuriyev, Korrupsiyaya Qarşı Mübarizə Fondunun rəhbəri Vasif Mövsümov, TURAN İA – nın rəhbəri Mehman Əliyev, Torpaq və Xəritəçəkmə Komitəsinin nümayəndəsi Nazim  İsmayılov, ekspert Azər Həsrət  və digərləri çıxış ediblər.

Çıxışlarda aparılan Monitorinqin mühüm əhəmiyyət kəsb etməsi vurğulanıb. Son dövrlərdə ictimai   informasiyaların  rəsmi saytlardan əldə edilməsi sahəsində xeyli irəliləyişlərin olduğunu bildiriblər. Təqdimat mərasimində hökumət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq  təşkilatların  nümayəndələri  iştirak edib. 

Mərkəzi icra hakimiyyəti orqanlarının İnformasiya açıqlığı üzrə Reytinq Cədvəli
(01 fevral, 2012 –   iyun, 2012)

№	Dövlət qurumunun adı	Rəsmi saytı	İnformasiya açıqlığı (faizlə)    2012
	Vergilər Nazirliyi	www.taxes.gov.az	71
	Dövlət Sosial Müdafiə Fondu	www.sspf.gov.az	68
	Dövlət Qulluğu Məsələləri üzrə Komissiya	www.dqmk.gov.az	65
	Rabitə və İnformasiya Texnologiyaları Nazirliyi	www.mincom.gov.az	59
	İqtisadi İnkişaf Nazirliyi	www.economy.gov.az	56.5
	Daxili İşlər Nazirliyi	www.din.gov.az	56
	Əmək və Əhalinin Sosial Müdafiəsi Nazirliyi	www.mlspp.gov.az	55
	Səhiyyə Nazirliyi	www.sehiyye.gov.az	54.5
	Qiymətli Kağızlar üzrə Dövlət Komitəsi	www.scs.gov.az	54
	Təhsil Nazirliyi	www.edu.gov.az	52.5
	Əmlak Məsələləri Dövlət Komitəsi	www.emdk.gov.az	52
	Ədliyyə Nazirliyi	www.en.gov.az	51.5
	Dövlət Gömrük Komitəsi	www.customs.gov.az	51
	Hesablama Palatası	www.ach.gov.az	49.5
	Mərkəzi Bank	www.cbar.az	49
	Dövlət Neft Fondu	www.oilfound.az	48.5
	Ekologiya və Təbii Sərvətlər Nazirliyi	www.eco.gov.az	48
	Baş  Prokurorluq	www.genprosecutor.gov.az	47
	Dövlət Torpaq və Xəritəçəkmə Komitəsi	www.dtxk.gov.az	46.5
	Milli Məclis	www.meclis.gov.az	46
	Dövlət Miqrasiya Xidməti	www.migration.gov.az	42.5
	Dövlət Statistika Komitəsi	www.azstat.org	42
	Standartlaşdırma. Metrologiya və Patent üzrə Dövlət Komitəsi	www.azstand.gov.az	39.5
	Tələbə Qəbulu üzrə Dövlət Komissiyası	www.tqdk.gov.az	39
	Xarici İşlər Nazirliyi	www.mfa.gov.az	38
	Sənaye və Energetika Nazirliyi	www.mie.gov.az	37
	Qaçqınların və Məcburi Köçkünlərin İşləri üzrə Dövlət Komitəsi	www.refugee.gov.az	36
	Fövqəladə Hallar Nazirliyi	www.fhn.gov.az	35.5
	Məhkəmə-Hüquq Şurası	www.jlc.gov.az	35
	Nəqliyyat Nazirliyi	www.mot.gov.az	34.5
	Satınalmalar üzrə Dövlət Agentliyi	www.tender.gov.az	34
	Maliyyə Nazirliyi	www.maliyye.gov.az	32.5
	Dövlət Neft Şirkəti	www.socar.az	32
	İnsan Hüquqları üzrə Müvəkkili	www.ombudsman.gov.az	31.5
	Ali Məhkəmə	www.supremecourt.gov.az	30
	Azərbaycan Respublikası Prezidentinin saytı	www.president.gov.az	29.5
	Auditorlar Palatası	www.audit.gov.az	28.5
	QHT-lərə Dövlət Dəstəyi Şurası	www.cssn.gov.az	27
	Korrupsiyaya Qarşı Mübarizə üzrə Komissiya	www.antikorrupsiya.gov.az	26.5
	Mədəniyyət və Turizm Nazirliyi	www.mct.gov.az	26
	Kənd Təsərrüfatı Nazirliyi	www.agro.gov.az	25.5
	Baş Dövlət Yol Polisi İdarəsi	www.dyp.gov.az	25
	“Azərbaycan Dəmir Yolları” QSC	www.railway.gov.az	24.5
	Milli Elmlər Akademiyası	www.elm.gov.az	24
	Müdafiə Sənayesi Nazirliyi	www.mdi.gov.az	23
	Müəllif Hüquqları Agentliyi	www.copag.gov.az	22
	Dini Qurumlarla İş üzrə Dövlət Komitəsi	www.scwra.gov.az	21
	Dövlət Sərhəd Xidməti	www.dsx.gov.az	20.5
	Mərkəzi Seçki Komissiyası	www.msk.gov.az	19
	Ailə, Qadın və Uşaq Problemləri üzrə Dövlət Komitəsi	www.scfwca.gov.az	18
	Milli Teleradio Şurası	www.ntrc.gov.az	17.5
	Meliorasiya və Su Təsərrüfatı Açıq Səhmdar Cəmiyyəti	www.mst.gov.az	17
	Diasporla İş üzrə Dövlət Komitəsi	www.diaspora.gov.az	16.5
	Azərbaycan Hava Yolları QSC	www.azal.az	16
	Dövlət Şəhərsalma və Arxitektura Komitəsi	www.arxkom.gov.az	15.5
	Gənclər və İdman Nazirliyi	www.mys.gov.az	15
	Konstitusiya Məhkəməsi	www.constcourt.gov.az	14
	Dövlət Sığorta Kommersiya Şirkəti	www.azersigorta-az.com	13.5
	Xüsusi Dövlət Mühafizə Xidməti	www.dmx.gov.az	10.5
	Dövlət Xəzər Dəniz Gəmiçiliyi	www.caspar.az	10
	Milli Təhlükəsizlik Nazirliyi	www.mns.gov.az	9
	Əsir və İtkin Düşmüş. Girov Götürülmüş Vətəndaşlarla Əlaqədar Dövlət Komissiyası	www.human.gov.az	8
61.	Müdafiə Nazirliyi	www.mod.gov.az	7
59.	Nazirlər Kabineti	www.cabmin.gov.az	6
Ölkə üzrə orta informasiya açıqlığı			~ 33.5 %