Arxiv
22 Sentyabr 2022, 15:20 | QARABAĞ
Prezident şad xəbəri verdi - Laçınlılar o günü GÖZLƏYİR
Prezident şad xəbəri verdi - Laçınlılar o günü GÖZLƏYİR

“Laçın şəhər mərkəzinin, Sus və Zabux kəndlərinin yenidən Azərbaycana qaytarılması, Müzəffər Ali Baş Komandan tərəfindən burada Azərbaycanın dövlət bayrağının qaldırılması bizim üçün tarixi hadisədir”.

 

Bunu Modern.az-a açıqlamasında Milli Məclisin Laçından olan deputatı Mahir Abbaszadə deyib. Deputat qeyd edib ki, Laçın Qarabağda yaşayan ermənilərlə, Ermənistanı coğrafi cəhətdən birləşdirən şəhər funksiyasını daşıyırdı:

 

“Ona görə də, ermənilər 1992-ci ildə Laçının işğalını həyata keçirdilər. Hesab edirəm ki, şəhərin Azərbaycana qayıtması, Ali Baş Komandanın əraziyə səfəri, orada üçrəngli bayrağımızı ucaltması önəmli hadisədir. Azərbaycan işğal altında olan Qarabağı və Şərqi Zəngəzuru tamamilə azad etdikdən sonra qarşısında duran əsas məsələlərdən biri işğaldan azad olunmuş ərazilərdə bərpa quruculuq işlərini həyata keçirmək, burada kommunikasiyaları bərpa edib, yaşayış məntəqələri salmaq, bu ərazilərdən məcburi köçkün düşmüş insanları geri qaytarmaqdır.

 

Digər ərazilərdə olduğu kimi, ermənilər Laçın şəhərində də vandalizm əməllərinə yol verib, sosial infrastruktur obyektlərini dağıdıblar, tarixi abidələri yerlə bir ediblər. Ermənilər bəzi ərazilərdə qeyri-qanuni məskunlaşma həyata keçiriblər. Azərbaycanlılara məxsus evlərdə yaşamağa başlayıblar. Buna baxmayaraq, yenə də ermənilər avqustun 26-da bu əraziləri tərk edərkən, oranı dağıdıb, bəzi evləri yararsız vəziyyətə salıblar. Buna baxmayaraq, ölkə başçısının tapşırıqlarına uyğun şəkildə Laçın şəhər mərkəzində abadlıq işlərinə başlanılıb. Bu bizə əsas verir ki, yaxın vaxtlarda, hətta növbəti ildə Laçın şəhər mərkəzinə bəzi ailələrin köçürülməsi, orada məskunlaşması təmin edilsin.

 

Eyni zamanda, bizdə olan məlumatlara görə, köçürüləcək insanların məşğulluğunun, sosial rifahının yaxşılaşdırılması üçün bu ərazilərdə yeni iş yerlərinin, sənaye müəssisələrinin yaradılması, müasir infrastruktura məxsus otellərin tikilməsi, şəhərin özünəməxsus tarixi abidələrinin bərpası, parkların və s. salınması nəzərdə tutulub. Bununla əlaqədar şəhərin baş planında xüsusi məqamlar var. Qarşıdakı dövrlərdə görülən işlərlə bağlı yenilikləri izləyəcəyik”.

 

Ermənilərin Azərbaycan sərhədlərində törətdiyi 12-14 sentyabr təxribatlarına toxunan deputat qeyd edib ki, bu, hərbi təcavüz olmaqla yanaşı, insanların gözünü qorxutmağa xidmət edən plan idi:

 

“Burada əsas məqsədlərdən biri xüsusilə Kəlbəcər və Laçında bərpa quruculuq prosesini ləngitmək, gələcəkdə bura köçürüləcək insanların gözünü qorxutmaq idi. Amma ölkə başçısının Azərbaycan Ordusunun sərhədləri etibarlı qoruduğunu, düşmənə sarsıdıcı zərbələr endirməsi, əlverişli mövqelərə malik olması, Laçın şəhərində bayrağın qaldırılması, rayonun bərpası ilə bağlı ciddi tapşırıqların verilməsi göstərir ki, Azərbaycan öz işlərini dayandırmayıb. Bizim torpaqlarımıza qayıdışımızın qarşısını heç bir qüvvə ala bilməz.

 

Sərhəddə baş verənlərin nəticəsi olaraq, Azərbaycan dövləti Ermənistana xəbərdarlıq edir ki, sizin bu ərazilərdə yaşamağınız üçün sülh proseslərinə qoşulmaq, müqaviləni imzalamaqdan başqa yolunuz yoxdur. Əgər qonşuluq münasibətlərində yaşayacağıqsa, hər iki dövlət bir-birinin sərhədlərinə hörmətlə yanaşmalı, sərhəddə atəşkəsin bərpa edilməsinə təminat verməlidir”.

 

Qeyd edək ki, Azərbaycan Prezidenti İlham Əliyev sentyabrın 21-də Laçın şəhərində Azərbaycan Bayrağını ucaldıb. Daha sonra dövlətimizin başçısı Laçın şəhərinin mərkəzi küçəsində ermənilərin törətdikləri dağıntılara baxıb, şəhərin ərazisini seyr edib.

BU KATEQORİYADAN OLAN DİGƏR XƏBƏRLƏR
+ Arxiv
modern.az modern.az modern.az
İran od tutub yanır - Xalq üsyanı genişlənir
Elnur Məmmədli təltif olundu - SƏRƏNCAM 14:30, Bu gün Ömər Faiq Nemanzadənin yubileyi qeyd ediləcək 14:16, Bu gün Jurnlistə AzTV-də vəzifə verildi 14:12, Bu gün Prezident onları TƏLTİF ETDİ 14:08, Bu gün ÜST Azərbaycanı “malyariyadan azad” ölkə kimi sertifikatlaşdıracaq 14:04, Bu gün “Müəllimlər sinif otaqlarını icarəyə götürür” - Deputat 13:56, Bu gün Ukraynada 239 uşaq itkin düşüb 13:52, Bu gün Bakı İrəvandan bunları tələb edir - Paşinyanın arvadının qəzeti 5 tələbi DƏRC ETDİ 13:48, Bu gün AFFA sabah millimizin baş məşqçisi ilə bağlı qərar verəcək 13:44, Bu gün Öldüyü deyilən Xamenei açılışda - FOTO 13:40, Bu gün İnam Kərimov Neftçalada vətəndaşları qəbul edəcək 13:36, Bu gün 80 minədək Rusiya vətəndaşı Gürcüstana qaçıb 13:33, Bu gün PKK liderlərindən biri məhv edildi 13:30, Bu gün Bu sahələr üzrə Nobel mükafatı qaliblərinin adları açıqlandı 13:27, Bu gün “Qızıl Xaç”ın nümayəndəsi Azərbaycandakı ermənilərdən danışdı 13:24, Bu gün Azad edilmiş ərazilərdə daha 2442 mina aşklarlandı 13:20, Bu gün Azərbaycan XİN-dən Almaniyaya təbrik 13:18, Bu gün Rusiya səfiri Finlandiya XİN-ə çağırıldı 13:16, Bu gün Bakıda məktəbəhazırlıq qruplarında oxuyan şagirdlərin SAYI 13:12, Bu gün Əfsanəvi aktrisa haqqında serial çəkiləcək 13:08, Bu gün Sabah 32 dərəcə İSTİ olacaq 13:04, Bu gün Azərbaycanın dünyada nüfuzu daha da güclənir 13:00, Bu gün Kadırov 3 oğlunu müharibəyə GÖNDƏRİR 12:56, Bu gün “Oskar” mükafatından imtina edən aktrisa ÖLDÜ 12:52, Bu gün Rusiyada əcnəbilərin hərbi xidmətə götürülməsi üçün məntəqələr açıldı 12:48, Bu gün Bu tələbələrə Prezident təqaüdü veriləcək - SİYAHI 12:44, Bu gün Ombudsmandan hərbçilərin videosu ilə bağlı ÇAĞIRIŞ 12:40, Bu gün Maqnit qasırğası davam edəcək 12:36, Bu gün Keçmiş naminə gələcəyi qurban vermək... 12:32, Bu gün Şəhid Elmin Mirzəyevin xatirəsi anılıb - FOTOLAR 12:28, Bu gün "Azercell" Azərbaycanda ilk dəfə yeni rəqəmsal tarif təqdim edib 12:24, Bu gün Tehranda ara qarışdı, dərslər dayandırıldı 12:20, Bu gün “Sakura və Xarıbülbül” - Azərbaycanlı jurnalistin məqaləsi yapon mətbuatında... 12:16, Bu gün Instagram hesabını qorumağın yolları 12:12, Bu gün Vətən müharibəsində azad edilən ilk şəhərimiz 12:08, Bu gün Ərdoğan Azərbaycana GƏLƏCƏK 12:04, Bu gün Prezident Arkadi Dvorkoviçi qəbul edib 12:00, Bu gün Avropa İttifaqı İrana qarşı yeni sanksiyalara hazırlaşır 11:56, Bu gün Ceyhun Bayramov isveçrəli həmkarı ilə görüşdü 11:52, Bu gün