Kiçik və Orta Biznesin İnkişafı Agentliyi (KOBİA) bir neçə layihələr həyata keçirib ki, bu da məhz qadın sahibkarlığın inkişafı üçün olub.
Modern.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsi ilə Ailə, qadın və uşaq məsələləri komitəsinin birgə keçirilən iclasında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bildirib.
“Bu gün ölkədə sahibkarların 21 %-i qadın sahibkarlardır. Bu da ildən-ilə artır. Biz xüsusilə qadın sahibkarlarımızın azad edilmiş ərazilərdə biznes qurmağına diqqət yetiririk. Bununla bağlı KOBİA-ya 1332 müraciət daxil olub ki, onlardan da 70-i qadın sahibkarlardır”,- deyə o bildirib.
