Modern.az

Talışa köçürülənlərin məşğulluğu təmin olunur - Emin Hüseynov

Talışa köçürülənlərin məşğulluğu təmin olunur - Emin Hüseynov

20 Mart 2023, 16:42

"İşğaldan azad edilmiş Talış kəndinə köçürülən sakinlərin məşğulluğu təmin olunur".

 

Modern.az "Report"a istinadən xəbər verir ki, bunu Qarabağ İqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Prezidentinin xüsusi nümayəndəsi Emin Hüseynov bildirib.

 

O deyib ki, Talış kəndində Novruz bayramının qeyd olunmasının xüsusi önəmi var: "Çünki bura köçmüş 20 ailə uzun illərdən sonra ilk dəfə işğaldan azad edilmiş kəndlərində Novruz bayramını qeyd edirlər. Bu bayram həmin insanlar üçün ikiqat sevincdir. Fürsətdən istifadə edərək demək istəyirəm ki, dövlətimiz işğaldan azad edilən kəndlərimizə köçürülən sakinlər üçün bütün lazımi infrastrukturu yaradıb, onların məşğulluğu təmin olunub. Burada kiçik sahibkarlıqla məşğul olan sakinlərimiz, müxtəlif məşğulluq zərfləri ilə təmin olunan ailələrimiz də var".

 

Prezidentin xüsusi nümayəndəsi söyləyib ki, azad olunan ərazilərə köçürülən sakinlər uzun illərin ayrılığına baxmayaraq, yeni həyata tez adaptasiya olurlar.

Instagram
Gündəmdən xəbəriniz olsun!
Keçid et
Tapşırıq verildi: İrandakı bu yerlər vurulacaq