Modern.az

Gələn aydan Laçına köç BAŞLAYIR

Gələn aydan Laçına köç BAŞLAYIR

Qarabağ

22 May 2023, 14:06

Gələn ay Laçına ilk köç başlayacaq.


Bu barədə Modern.az-a Laçının deputatı Mahir Abbaszadə məlumat verib. Onun sözlərinə görə, Laçına qayıdış prosesinə maydan sonra start veriləcək və laçınlılar öz torpaqlarına mərhələli şəkildə geri dönəcəklər.


"Prezident İlham Əliyev Laçına səfəri zamanı rayonun bərpa edilməsi və quruculuq işlərinin aparılması ilə bağlı ciddi tapşırıqlar verib. Ötən ildən etibarən Laçın şəhərində, Zabux və Sus kəndlərində yenidənqurma işləri başlayıb. Həmin ərazilərə vətəndaşlarımız mərhələli şəkildə köçürüləcək",- deyə parlamentari bildirib.

 

 

M.Abbasov Laçın sakinlərinin Böyük Qayıdışa hazırlaşdığını vurğulayıb:

 

"Məndə olan məlumata görə, gələn ay laçınlılar öz torpaqlarına geri dönəcək. Laçın şəhərinin mərkəzində evlərin bərpa olunması, infrastrukturun qurulması, Zabux və Sus kəndlərinin inşası və bura köçürüləcək məcburi köçkünlər üçün evlərin tikilməsi nəzərdə tutulub. Köçürüləcək sakinlərin işlə təmin olunması da müvafiq qurumlar tərəfindən həyata keçiriləcək. Hesab edirəm ki, Laçın sakinlərinin öz torpaqlarına qayıtması Böyük Qayıdışın başlanğıcı kimi qəbul olunmalıdır. Dədə-baba yurdundan didərgin düşmüş vətəndaşlarımız yaxın zamanda öz torpaqlarına qovuşacaqlar". 

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir