"Rusiya sülhməramlıları heç nə onları təhdid etmədikcə proseslərə qarışmayacaqlar".
Modern.az Rusiya mətbuatına istinadən xəbər verir ki, bunu Rusiya Dövlət Dumasının Müdafiə Komitəsinin rəhbəri Andrey Kartapolov "Shot"a müsahibəsində bildirib.
“Nə qədər ki, Rusiya sülhməramlılarının özləri təhdid edilmir, onların silahdan istifadə etmək hüququ yoxdur”, – Kartapolov qeyd edib.
Kremlin açıqlamasında isə vurğulanıb ki, Rusiya sülhməramlıları əvvəlki üçtərəfli sənədlər əsasında Qarabağdakı prosesi siyasi-diplomatik məcraya qaytarmağa çalışır.
