Modern.az

Xocalı və Xankəndiyə köçənlər hansı evlərdə yaşayacaq...

Xocalı və Xankəndiyə köçənlər hansı evlərdə yaşayacaq...

Qarabağ

12 Fevral 2024, 16:04

Bu ilin ilk altı ayında Xocalıya və Xankəndiyə köç olacaq. Qaçqınların və Məcburi Köçkünlərin İşləri üzrə Dövlət Komitəsinin məlumatına görə, qeyd edilən müddətdə Xocalıya və Xankəndiyə ümumilikdə 100 ailə köçürülməsi planlaşdırılır. Xocalıya 50, Xankəndiyə 50 ailə köçürülməsi nəzərdə tutulub.

 

Məsələ ilə bağlı Modern.az-a açıqlama verən Milli Məclisin deputatı Elman Məmmədov Xocalı və Xankəndiyə köç haqqında danışıb:

 

“Cənab Prezident xalqa yeni il müraciətində, bundan öncə də məsələyə aydınlıq gətirib. Xocalıya, Xankəndiyə, Kərkicahana və digər işğaldan azad olunan ərazilərimizə ilk köç 2024-cü ilin birinci rübünün sonunda baş tutacaq. Biz bunu həsrət və böyük sevinclə gözləyirik. Yəqin ki, mart ayında-Novruz bayramı ərəfəsində köç olacaq. Xankəndidə 80-90 faiz evlər salamatdır.  Xeyli vaxtdır ki, bura qayıdış üçün lazımi vəziyyətə gətirilir. İndi orada bərpa-quruculuq işləri gedir. 2023-ci ilin 19-20 sentyabrında keçirilən antiterror əməliyyatından sonra cənab Prezidentin tapşırığı ilə müvafiq qurumlar işğaldan azad edilmiş ərazilərdə oldular. Orada çox geniş iş, araşdırmalar aparıldı. Yenidən tikilən evlər də, bərpa olunan evlər də olacaq”.

Deputat qeyd edib ki, evləri hazırda yaşamağa yaralı olanlar öz dədə-baba yurdlarına köçə biləcəklər: 

 

“Hərkəsin arzusu öz dədə-baba yurduna qayıtmaqdır. Bir Xocalı sakini kimi mən öz evim haqqında məlumat verə bilərəm. 1992-ci ilin 25-26 fevralında ermənilərin Xocalıda törətdiyi soyqırımı nəticəsində mənim ata-baba evim həmin gecə bombalanıb. Yəni yaşayışa yararsız vəziyyətə düşüb. Ona görə bünövrəsi tamamilə söküldü. İndi həmin yerdə, öz həyətimizdə yeni ev tikiləcək.


Eləcə də digər sakinlərin yaşayışa yararlı evləri bərpa olunur.  Yaşayış mümkün olmayan evlərin bünövrəsj sökülüb, yeni evlər tikilir”.

Instagram
Gündəmdən xəbəriniz olsun!
Keçid et
Kəlbəcərdə Ordumuzun qarşısına çıxan şirkət “vuruldu”