Modern.az

Kreml TƏSDİQLƏDİ - Rusiya sülhməramlıları Qarabağdan çıxarılır

Kreml TƏSDİQLƏDİ - Rusiya sülhməramlıları Qarabağdan çıxarılır

Qarabağ

17 Aprel 2024, 13:54

Kreml Rusiya sülhməramlılarının Qarabağdan çıxarılmasının başlandığını təsdiqləyib.

Modern.az xəbər verir ki, bu barədə Rusiya prezidentinin mətbuat katibi Dmitri Peskov danışıb.

O, jurnalistlərə qısa açıqlamasında Rusiya sülhməramlılarının Qarabağdan çıxarılmasının başlandığını təsdiqləyib.

"Bəli, bu doğrudur", - Peskov qısaca olaraq deyib.

Qeyd edək ki, dünən Rusiya sülhməramlılarının Qarabağdan çıxarıldığını əks etdirən videogörüntülər yayılıb.

Diplomatik mənbələrdən Ermənistan KİV-nə bildirilib ki, Rusiya sülhməramlılarının Qarabağdan çıxarılması mərhələli şəkildə həyata keçirilir.

“Kontingentin çıxarılması eşelonla Dağıstan vasitəsilə həyata keçirilir”, - diplomatik mənbə deyib.

Sülhməramlıların sonuncu qrupunun Azərbaycanl tərketmə vaxtı hələ açıqlanmayıb.

Sülhməramlı kontingent 44 günlük müharibəni dayandıran Rusiya, Ermənistan və Azərbaycan liderlərinin 10 noyabr 2020-ci il tarixli üçtərəfli bəyanatına uyğun olaraq Qarabağa yerləşdirilib.


A.Qorxmaz

Telegram
Hadisələri anında izləyin!
Keçid et
Dronlar Putinin mülk və sarayı istiqamətində hücuma keçdi