Modern.az xəbər verir ki, Jurnalistlərin Müsahibə Klubu Facebook qrupunda “2013-cü il üçün Nazirlər Kabinetinə (NK) daxil olan hansı qurumun mətbuat katibi yaxşı fəaliyyət göstərib?” sualı ilə sorğu keçirilib. Qrupun admini, jurnalist Pərvin Abbasovun verdiyi məlumata görə, dekabrın 19-da start verilən sorğu 4 sutka davam edib və əvvəlcədən elan olundğu kimi, dekabrın 22-də saat 00.00-da başa çatıb.
Sorğu zamanı hazırda 200 üzvü olan qrupda jurnalistlərə bir, yaxud daha çox nazirlik və komitənin mətbuat katibinə (mətbuat xidmətinə) səs vermək imkanı yaradılıb.
Nəticədə, qrup üzvü olan jurnalistlərin verdiyi 104 səs NK-ya daxil olan 38 qurumdan 27-si arasında paylanıb. 11 qurum ümumiyyətlə səs almayıb. Səsverməyə əsasən, Rabitə və İnformasiya Texnologiyaları Nazirliyinin mətbuat katibi (Müşfiq Əmirov) 17 səslə birinci yerə çıxıb. Ekologiya və Təbii Sərvətlər Nazirliyinin mətbuat katibi (İradə İbrahimova) 14 səslə ikinci yerdə olub. Gənclər və İdman Nazirliyinin mətbuat katibi (Səmayə Məmmədova) və Dini Qurumlarla İş üzrə Dövlət Komitəsinin mətbuat katibi (Orxan Əli) hərəyə 8 səslə üçüncü-dördüncü yerləri bölüşdürüb. Təhsil Nazirliyinin mətbuat katibi (Cəsarət Valehov) 7 səslə beşinci olub.
Tam siyahı belədir:
1. Rabitə və İnformasiya Texnologiyaları Nazirliyi – 17 səs
2. Ekologiya və Təbii Sərvətlər Nazirliyi – 14 səs
3. Dini Qurumlarla İş üzrə Dövlət Komitəsi - 8 səs
4. Gənclər və idman Nazirliyi – 8 səs
5. Təhsil Nazirliyi – 7 səs
6. Xarici İşlər Nazirliyi – 6 səs
7. Daxili İşlər Nazirliyi - 5 səs
8. Dövlət Sosial Müdafiə Fondu - 4 səs
9. Standartlaşdırma, Metrologiya və Patent üzrə Dövlət Komitəsi – 4 səs
10. Səhiyyə Nazirliyi – 4 səs
11. Əmək və Əhalinin Sosial Müdafiəsi Nazirliyi – 4 səs
12. Mədəniyyət və Turizm Nazirliyi – 3 səs
13. Diasporla İş üzrə Dövlət Komitəsi – 2 səs
14. Dövlət Statistika Komitəsi – 2 səs
15. Dövlət Şəhərsalma və Arxitektura Komitəsi – 2 səs
16. Vergilər Nazirliyi – 2 səs
17. İqtisadiyyat və Sənaye Nazirliyi – 2 səs
18. Maliyyə Nazirliyi – 1 səs.
19. Dövlət Sərhəd Xidməti – 1 səs
20. Dövlət Miqrasiya Xidməti – 1 səs
21. Ailə, Qadın və Uşaq Problemləri üzrə Dövlət Komitəsi – 1 səs
22. Dövlət Gömrük Komitəsi 1 səs
23. Qaçqınların və Məcburi Köçkünlərin İşi üzrə Dövlət Komitəsi – 1 səs
24. Nəqliyyat Nazirliyi – 1 səs
25. Kənd Təsərrüfatı Nazirliyi – 1 səs
26. Müdafiə Nazirliyi – 1 səs
27. Səfərbərlik və Hərbi Xidmətə Çağırış üzrə Dövlət Komitəsi – 1 səs
Mətbuat katibi bir səs belə almayan 11 qurum bunlardır:
Fövqəladə Hallar Nazirliyi,
Ədliyyə Nazirliyi,
Milli Təhlükəsizlik Nazirliyi,
Müdafiə Sənayesi Nazirliyi, Energetika Nazirliyi,
Əmlak Məsələləri Komitəsi,
Dövlət Torpaq və Xəritəçəkmə Komitəsi,
Qiymətli Kağızlar üzrə Dövlət Komitəsi,
Milli Arxiv İdarəsi,
Dövlət Mülki Aviasiya Administrasiyası,
Dövlət Dəniz Administrasiyası.
