“Biz azərbaycanlılara Ermənistandakı Avropa İttifaqı müşahidəçilərini demarkasiya olunmuş ərazilərdən çıxarmağı təklif etdik. Biz dedik ki, yaxşı, gəlin bu tənzimləməni demarkasiya olunmuş ərazilərlə bağlı edək, çünki obyektiv şəkildə demarkasiya olunan sərhədin müşahidəçiyə ehtiyacı yoxdur”.

Modern.az xəbər verir ki, bunu Ermənistanın baş naziri Nikol Paşinyan İctimai Televiziyanın efieində bildirib.

Baş nazir demarkasiya prosesinə toxunaraq deyib ki, oktyabrda keçirilən son iclasda komissiyalar sərhədin hansı hissələrinin demarkasiyasının davam etdirilməsi ilə bağlı qarşılıqlı əsasda təkliflər vermək barədə razılığa gəliblər:

“Oktyabr ayında bununla bağlı son iclas keçirilib və demarkasiya komissiyaları prosesin hansı ərazilərdə davam edəcəyi ilə bağlı qarşılıqlı təkliflər veriblər. Ermənistan öz yanaşmasını, Azərbaycan öz yanaşmasını təqdim etdi. Növbəti iclasda demarkasiya prosesinin hansı ərazidə davam etdiriləcəyinə qərar veriləcək. Məlum olduğu kimi, bu günlərdə Azərbaycanda beynəlxalq konfrans keçirilir və mən hesab edirəm ki, ən azı belə bir anlayış var ki, bu proseslər COP29-dan sonra da davam edəcək”.