İllər sonra doğma yurda dönmək həm də mənəvi qələbəmizdir. Hər addımda tariximizi, kimliyimizi hiss edirik.
Modern.az xəbər verir ki, bu fikirləri AZƏRTAC-a açıqlamasında Laçın rayonunun Bəylik kəndinə köçən keçmiş məcburi köçkün Qəndab Abışova söyləyib.
O bildirib ki, illərlə qəlbində daşıdığı torpaq həsrəti artıq bitib: “İndi məqsədimiz bu yurdu daha da gözəlləşdirməkdir. Gələcək nəsillər orada böyüyəcək, təhsil alacaqlar. Artıq o günləri görmək istəyirəm”.
