"Ağdamda istifadəyə verilən yeni nəqliyyat kompleksi ölkə üçün bir ilk oldu".
Modern.az xəbər verir ki, bu sözləri Azərbaycan Respublikası Prezidentinin xüsusi nümayəndəsi Emin Hüseynov media nümayəndələrinə müsahibəsində deyib.
O bildirib ki, Ağdamda həm avtovağzal, həm də dəmiryolu vağzalı eyni məkanda fəaliyyət göstərəcək. Bu isə sərnişinlərin rahatlığına, nəqliyyatın daha səmərəli təşkilinə şərait yaradacaq.
“Kompleksdə sərnişinlərin asudə vaxtlarını səmərəli keçirmələri üçün də müasir imkanlar yaradılıb. İlk qatarın tam dolu şəkildə Ağdama daxil olması isə bu layihənin həm yerli sakinlər, həm də ümumilikdə Azərbaycan ictimaiyyəti üçün nə qədər böyük əhəmiyyət kəsb etdiyini göstərib”,- deyə E.Hüseynov əlavə edib.
O bildirib ki, Ağdam-Xankəndi dəmir yolu xəttinin tikintisi gələn il sonunadək başa çatdırılacaq. Hazırda qeyd olunan dəmir yolu xəttinin tikintisi aparılır.
