Modern.az

Ermənistan qondarma ideologiyanın girovu olmaqda davam edir - İcma

Ermənistan qondarma ideologiyanın girovu olmaqda davam edir - İcma

Qərbi Azərbaycan

27 Noyabr 2023, 12:48

Ermənistan hələ də “etnik müstəsnalıq” kimi qondarma ideologiyanın girovu olmaqda davam edir.

 

Modern.az-ın xəbərinə görə, bu barədə İcmanın yaydığı bəyanatda qeyd olunub.

 

Bildirilib ki, Ermənistanın Elm və Təhsil Nazirliyi tərəfindən Qarabağda “erməni mədəni irsi”nə aid 140 abidənin siyahısının tərtib olunması və beynəlxalq müstəvidə iş aparılması üçün Xarici İşlər Nazirliyinə təqdim edilməsi barədə məlumatlar yayılıb: "Qərbi Azərbaycan İcmasının Ermənistandakı Azərbaycan mədəni irsi ilə bağlı fəaliyyətini özünün suverenliyinə və ərazi bütövlüyünə qəsd hesab edən Ermənistan hökumətinin bu addımı riyakarlıq və irqçilikdir".

 

"Ermənistan hələ də özünün uydurduğu nağıllar aləmində yaşamaqda, “etnik müstəsnalıq” kimi qondarma ideologiyanın girovu olmaqda davam edir. Ermənistan rəsmiləri başqa ölkənin ərazisində olan mədəni irsə iddia etməkdənsə, öz ərazisində Azərbaycan xalqının mədəni irsini məhv etməməli, onu başqa xalqların adına çıxarmamalı və UNESCO-nun fakt araşdırıcı missiyasının Ermənistana səfərinə imkan verməlidir", - bəyanatda vurğulanıb.

Facebook
Dəqiq xəbəri bizdən alın!
Keçid et
Kəlbəcərdə Ordumuzun qarşısına çıxan şirkət “vuruldu”