6 dekabrın Qərbi azərbaycanlıların deportasiya olunması günü kimi qeyd olunması təklif olunub.
Modern.az xəbər verir ki, bu təkliflə parlamentdə keçirilən “Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı” mövzusunda dinləmədə deputat Musa Quliyev çıxış edib.
“Təklif edirəm ki, dekabrın 6-sı və ya bu ayın başqa gününü Qərbi azərbaycanlıların deportasiyası günü kimi təqvimdə dəyişiklik edək. Dinləmənin bu günə salınması təsadüfi deyil. Çünki məhz 1988-ci ilin 6 dekabrında Nüvədi kəndi istisna olmaqla Qərbi Azərbaycanda azərbaycanlıların sonuncu deportasiyası başa çatıb. Bu gün də həmin deportasiyanın 35 ilidir”, - o qeyd edib.
