Tanınmış jurnalist Şəfahət Avılbəylinin (Əliyev) Scopus elmi bazasında indekslənən “Universidad y Sociedad” beynəlxalq elmi jurnalının 2024-cü ilin dekabr buraxılışında Qərbi Azərbaycan həqiqətlərindən bəhs edən növbəti elmi məqaləsi dərc edilib.

 

“Qərbi Azərbaycana qayıdış ruhunun poeziyadakı təcəssümü: yaddaş formulası, yurd, vətən, köçkünlük” (The embodiment of the spirit of returning to Western Azerbaijan in poetry: the formula of memory, homeland, displacement) adlı məqalə mötəbər elmi müzakirələrə yol açır. Məqalə Azərbaycan poeziyasında Qərbi Azərbaycan mövzusunu incələyərək, köçkünlük, vətən həsrəti və yaddaşın poetik təsvirini araşdırır.

 

Modern.az xəbər verir ki, tədqiqatın nəticələrində qeyd olunur ki, azərbaycanlı şairlər Qərbi Azərbaycana aid tarixi-mədəni irsi qorumaq və gələcək nəsillərə ötürmək məqsədilə zəngin obrazlı düşüncə və metaforalardan istifadə ediblər. Bu yanaşma poeziyanın həm etnik kimliyin qorunmasında, həm də milli yaddaşın möhkəmləndirilməsində əvəzsiz rolunu nümayiş etdirir.

 

Ş.Əliyevin məqaləsi, həmçinin Qərbi Azərbaycan mövzusunun tarix və poeziya müstəvisində müxtəlif dövrlərdə necə əks olunduğunu göstərir. Burada İrəvan, Göyçə, Dərələyəz və digər qədim türk yurdlarının ədəbi təcəssümünü imzaları ilə ortaya qoyan Həsən Mirzənin, Eldar İsmayılın, Mahirə Nağıqızının, Hidayətin və.s Qərbi azərbaycanlı şairlərin yaradıcılığında vətənə qayıdış ruhu, eləcə də erməni işğalları və mədəniyyətə qarşı vandalizm aktlarının təsiri təhlil olunub.

 

Qeyd edək ki, son dövrlərdə Qərbi Azərbaycanla bağli ictimai fəaliyyətlərlə yanaşı, elmi fəaliyyətilər və akademik heyət üzvlərinin nüfuzlu elmi jurnallarda dərc edilən məqalələrinin sayının artırılması diqqət mərkəzində saxlanılır.