Qərbi Azərbaycan İcmasının Qadınlar Şurasının təşkilatçılığı ilə ABŞ, Kanada,Niderland, İngiltərə,Almaniya, Türkiyə, Qazaxstan, Özbəkistan kimi 20-yə yaxın ölkədə yaşayan və öz ölkəsinin ictimai-siyasi həyatında fəal mövqe tutan Qərbi Azərbaycan əsilli Qadınların iştirakı ilə (ZOOM) online konfrans keçirilib.
Modern.az xəbər verir ki, konfrans “Qərbi Azərbaycana Qayıdış konsepsiyası: Qadınların rolu və vəzifələri” mövzusuna həsr edilib.
Konfransı QAİ-nin Qadınlar Şurasının sədri, millət vəkili Məlahət İbrahimqızı açaraq, Azərbaycan Respublikasının Prezidenti, Müzəffər Ali Baş Komandan möhtərəm cənab İlham Əliyevin xeyir duası ilə yaradılmış Qərbi Azərbaycan İcmasının fəaliyyəti, Qərbi Azərbaycana Qayıdış Konsepsiyası haqqında ətraflı məlumat verib.
Məlahət İbrahimqızı Konsepsiyada da qeyd edildiyi kimi 1987-91-ci illərdə Qərbi Azərbaycandan erməni vandalları tərəfindən qovulmuş, deportasiya və etnik təmizliyə məruz qalmış 300 min azərbaycanlının pozulmuş hüquqlarının süıh yolu ilə, beynəlxalq hüquq çərçivəsində, ləyaqətli şəkildə bərpası üçün bu problemin dünya ictimaiyyətinə və beynəlxalq təşkilatlara çatdırılmasında qadınların rolunun danılmaz olduğunu vurğuladı. O, bu məsələdə xaricdə yaşayan Qərbi Azərbaycanlıların, xüsusilə də qadınların iştirakının zəruriliyini qeyd etdi. Məlahət İbrahimqızı çıxışında Azərbaycan Respublikasının Prezidentinin söylədiyi “Qarabağ problemi kimi Qərbi Azərbaycana qayıdışın da Azərbaycan xalqının vahid ideologiyasıdır” fikirlərini xatırladaraq, dünyanın fərqli ölkələrində yaşayan Qərbi Azərbaycan əsilli fəal qadınların bütün mötəbər kürsülərdə və platformalarda haqq səsinin daha ucadan səsləndirmələrinin zamanın tələbi olduğunu bildirib.
O qeyd etdi ki, ancaq erməni cinayətkarları tərəfindən Qərbi Azərbaycan qadınlarının pozulmuş hüquqlarının dünyada təbliği və xalqımızın yüzilliklərboyu Qərbi Azərbaycanda yaratmış olduğu mədəni və tarixi irsin müdafiəsi məqsədilə sistemli şəkildə təşkil edilən müxtəlif tədbir və layihələrlə müvafiq beynəlxalq təşkilatlar qarşısında ciddi məsələlər qaldırıla bilər. Qərbi Azərbaycan İcmasının Qadınlar Şurasının Beynəlxalq əlaqələr və əməkdaşlıq üzrə İşçi Qrupunun sədri, millət vəkili Tənzilə Rüstəmxanlı Qərbi Azərbaycan İcmasının Qadınlar Şurasının beynəlxalq fəaliyyətinin qurulmasında xaricdə yaşayan Qərbi Azərbaycan əsilli xanımların məlumat bazasının yaradılmasının əhəmiyyətindən danışıb.
Çıxış edənlərin hər biri Azərbaycan Respublikasının Prezidenti möhtərəm cənab İlham Əliyevə Qərbi Azərbaycan İcmasının yaradılmasında və fəaliyyətində göstərdiyi misilsiz və tarixi xidmətlətinə görə təşəkkürlərini bildirməklə bu haqlı və ədalətli mübarizədə onun ətrafında sıx birləşməyi, güc və el birliyi ilə üzərlərinə düşən hər bir tapşırığı etməyə hazır olduqlarını bildiriblər. Əslən Çəmbərək rayonundan olan və ABŞ-da Tibb təhsili almış və hazırda Kanadada Alberta Health Services infeksion xəstəxanasında həkim işləyən və bu ölkənin ictimai-siyasi həyatında fəal iştirak edən Ruziyə Ramazanova, Niderlandın Amsterdam şəhərində yaşayan BSO müəllimə işləyən, ictimaiyyətçi Bənövşə Əzizova, həmin ölkədə yaşayan ictimaiyyətçi, Pameijer şirkəti, Sosial Psixiatriya şöbəsində Sosioloji Psixoloji yönləndirmə mütəxəssisi Gülnarə Əliyeva. İngiltərə, Londonda yaşayan, BEAS British Europe Azerbaijan school) Schoolda Piano müəlliməsi və ictimaiyyətçi Vüsalə Babayeva, Almaniyanın Bonn şəhərində yaşayan, sahibkar və ictimsiyyətçi Naibə Abdullayeva, Türkiyədən jurnalist , bloqer, ictimsiyyətçi, Durak Türk TV-nin aparıcısı Nigar Ögeday, Memorial Antalya xəstəxanasının həkimi,MHP-nin üzvü Əsmayə Novruzova Özermenoğlu, Eda Günday hüquqşünas vəkil, Elif Selçuk- Denizli, Ogretmen, Birleşmiş Milletler Küresel Okullar Programı Savunucusu, Rəsmiyyə Nəsibova 9 Eylül Universiteti Komputer elmləri bölümünün dosenti, Özlem Ercan- Özel İzmir Amerikan kollecində İB Biologiya müəlliməsi, Qazaxıstanın Aktau şəhərində1 saylı liseydə metodist və direktor müavini, tanınmış pedaqoq və ictimaiyətçi Rəfiqə Nəsibova, Özbəkistan, Daşkəndən Özbəkistan Səhiyyə Nazirliyinin idarə rəisi, Səhiyyə layihələri mərkəzinin Layihə ofisinin baş mütəxəssisi, Harvard məzuni, professor Guzalya Məmmədova, Daşkənd İnformasiya Texnologiyalar Universitetinin müəlliməsi Rubabə Əliyeva və digər çıxış edənlər 44 günlük Vətən müharibəsində qazanılan möhtəşəm Qarabağ Zəfərindən sonra Azərbaycan xalqının vahid ideologiyasına çevrilmiş Qərbi Azərbaycana Qayıdış ideyası ətrafında birləşməsini alqışlayaraq, tezliklə möhtərəm Prezident İlham Əliyevin rəhbərliyi ilə tarixi torpaqlarımız üzərində ititilmiş hüquqların bərpa olunacağına inandıqlarını bildiriblər.
Qayıdış konsepsiyasında əks olunmuş məqsəd və vəzifələrin Qərbi Azərbaycan əsilli qadınların da ən müqəddəs vəzifəsi olduğunu vurğalayan çıxışçılar, ən qısa zamanda Qadınlar Şurasının xaricdə yaşayan qadın soydaşlarımızla birgə fəaliyyətin yol xəritəsinin və irəli sürülmüş təkliflər əsasında hazırlanmış Fəaliyyət Planın müzakirə etmək üçün növbəti konfransın gündəliyinə salınmasını xahiş etdilər. Online konfrasda Qərbi Azərbaycan əsilli deputatlardan Tənzilə Rüstəmxanlı Səbinə Xasayeva, Günay Ağamalıqızı, eləcə də QAİ Qadınları Şurasının bir qruo üzvləri Könül Həsənova, Həqiqət Hacıyeva, Sona Abbasəliqızı, Rəna Qafarova iştirak ediblər.
