Qərbi Azərbaycan İcmasının Bakıda əsas qərargahının yerləşdiyi küçənin adı dəyişdirilib.
Modern.az Teleqraf-a istinadən xəbər verir ki, küçəyə Mirzə Qədim İrəvaninin adı verilib.
Bura indiyədək Gülnarə Qədimbəyovanın adını daşıyırdı.
Qeyd edək ki, Mirzə Qədim İrəvani (Mirzə Qədim Məmmədhüseyn oğlu İrəvani) 4 dekabr 1825-ci ildə anadan olub.
O, Azərbaycan portretçisi və ornamentalist rəssamıdır. Azərbaycan panel rəssamlığının əsasını qoyub, yaradıcılığı Azərbaycanın yeni dövr təsviri sənətində vacib dəyişikliklə yadda qalıb.
Mirzə Qədim İrəvani 1875-ci ildə vəfat edib. Bu il rəssamın 200 illik yubileyidir.
Prezident İlham Əliyev fevralın 14-də Mirzə Qədim İrəvaninin 200 illiyinin qeyd edilməsi haqqında sərəncam imzalayıb.
