Ermənistanın baş naziri Nikol Paşinyan ABŞ-ın Cənubi Qafqazda kommunikasiyaların açılması ilə bağlı təkliflər verdiyini təsdiqləyib.
Modern.az Armenpress-ə istinadən xəbər verir ki, bu barədə baş nazir mətbuat konfransında danışıb.
O vurğulayıb ki, Ermənistan Respublikasının ərazi bütövlüyü və suverenliyinin təmin edilməsi prinsipinə əməl olunmadan heç bir müzakirə mümkün deyil.
Jurnalistin Zəngəzur yoluna dair ABŞ-dan konkret təklif alıb-almamaları ilə bağlı sualına baş nazir belə cavab verib:
“Bəli, ABŞ-dan təkliflər almışıq”.
Eyni zamanda, Nikol Paşinyan qeyd edib ki, Ermənistan dost ölkələrdən müxtəlif təkliflər alıb və almaqda davam edir: “Bildirmək çox vacibdir ki, istənilən məsələ Ermənistan Respublikasının ərazi bütövlüyü, suverenliyi və yurisdiksiyası əsasında müzakirə olunur”, - Paşinyan fikrini yekunlaşdırıb.
