Bakının Qobu kəndində 55 hektar sahəni əhatə edəcək yeni zoopark tikiləcək. Modern.az saytının məlumatına görə, bunu jurnalistlərə açıqlamasında ekologiya və təbii sərvətlər naziri Hüseyn Bağırov deyib. O qeyd edib ki, yeni zooparkın tikintisi ilə bağlı Nazirlər Kabineti ötən il 2,8 milyon manat ayırıb. Nazir bildirib ki, artıq zooparkın layihələndirilməsini və tikintisini aparacaq şirkətlər müəyyənləşib.
“Yeni zooparkın tikintisinə 70-ə yaxın ölkədən mütəxəssislər cəlb olunub və artıq ilkin layihə hazırdır. Həmçinin, ilkin hazırlıqlara, təbii landşaftın hazırlanmasına və bitki örtüyünün yaradılmasına başlamaq olar”-deyə qeyd edən H.Bağırov onu da vurğulayıb ki, yeni zooparkda heyvanlar qəfəsdə yaşayamacaqlar. Nazir tikiləcək yeni zooparkın dünyaya “Azərbaycan təbiət dünyası” adı ilə təqdim olunacağını bildirib.
Modern.az
