“Xırdalan şəhərindəki 9 saylı məktəb hələ də Misirin devrilmiş liderin xanımı Suzan Mübarəkin adını daşıyır. Yəqin ki, yaxın vaxtlarda bununla da bağlı tədbir görüləcək”. Bu sözləri Modern.az-a açıqlamasında Abşeron rayon İcra Hakimiyyəti başçısının müavini Zakir Həsənov deyib.
Qeyd edək ki, 2008-ci ilin sentyabrında ölkəmizdə səfərdə olan Misir Ərəb Respublikasının sabiq 1-ci xanımı Suzan Mübarək Abşeron rayonunda olub. Misirin birinci xanımı o zaman Misir - Azərbaycan Dostluğu Parkında gəzib, eləcə də Xırdalandakı Suzan Mübarək adına 9 saylı ərəb təmayüllü orta təhsil məktəbilə tanış olub.
Suzan Mübarək adına 9 saylı ərəb təmayüllü orta məktəbdə 2 min şagird təhsil alır, 190-dan çox müəllim çalışır. Məktəbdə birinci siniflərdə ərəb dili tədris olunur.
Aytən ƏLİYEVA
