Millət vəkili Vahid Əhmədov növbəti dəfə Qubadakı ofisində seçiciləri ilə görüşüb.Ümümilikdə deputat 34 seçicini qəbul edib, onların müraciət və təkliflərini dinləyib. Bir neçə məsələ ilə bağlı yerindəcə araşdırma aparılıb və həlli istiqamətində qərarlar qəbul edilib. Bu barədə Modern.az-a deputatın köməkçisi Arif Orucov məlumat verib.
Müraciətlərdə əsasən Quba şəhərində ev tikintisi üçün torpağın ayrılması, mənzillərlə təminat, işlə təmin olunma və s. məsələlər öz əksini tapıb. Mərkəzi təşkilatlarla bağlı problemlərin həlli üçün aidiyyatı qurumlara müraciətlərin hazırlanması haqqında göstəriş verib.
Qəbuldan sonra V.Əhmədov şəhər Mədəniyyət evində Azərbaycan Respublikası Vergilər Nazirliyinin təşəbbüsü ilə Quba, Qusar, Xaçmaz və Şabran rayonu vergi ödəyiciləri ilə təşkil olunmuş görüşdə iştirak edib. Görüşdə bölgənin 300-ə yaxın sahibkarı iştirak edib. Görüşdə çıxış edən Vahid Əhmədov vergi ödəyicilərinin üzləşdiyi problemlərlin həlli ilə bağlı onlara tövsiyyələrini verib, suallarını cavablandırıb.
Modern.az
