“Doktrina” JHAM versiyasını təqdim edir
Azərbaycan Prezidenti İlham Əliyev iyunun 25-də Müdafiə Nazirliyinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşlarının artırılması haqqında sərəncam imzalayıb. Sərəncama əsasən, Azərbaycan Respublikası Müdafiə Nazirliyinin hərbi qulluqçularının aylıq vəzifə (tarif) maaşları orta hesabla 25 faiz, dövlət qulluqçusu olmayan mülki işçilərinin aylıq vəzifə (tarif) maaşları orta hesabla 10 faiz artırılır.
Nazirlər Kabinetinə bu sərəncamdan irəli gələn məsələləri həll etmək tapşırılıb.
Bu sərəncam 2011-ci il iyulun 1-dən qüvvəyə minir.
“Doktrina” Jurnalistlərin Hərbi Araşdırmalar Mərkəzinin ekspertlərinin araşdırmalarına görə, prezidentin son sərəncamından sonra hərbi qulluqçuların aylıq vəzifə (tarif) məvacibləri orta hesabla aşağıdakı qaydada hesablana bilər:
| s/s | Azərbaycan hərbi qulluqçusunun rütbəsi | Hərbi qulluqçuların artımdan əvvəlki məvacibləri (orta hesabla, AZN) | Sərəncamdan sonrakı məvaciblər: VERSİYA (orta hesabla, AZN) | |||
|
| Hərbçinin vəzifəsi | 1 qat | 2 qat | 1 qat | 2 qat | |
| 1 | Əsgər-çavuş (MAXHQ) | Tağım kom. müavini | 250 | 350 | 320 | 450 |
| 2 | Gizir | Tağım kom. müavini | 250 | 350 | 320 | 450 |
| 3 | Leytenant | Tağım komandiri | 300 | 450 | 380 | 550 |
| 4 | Baş leytenant | Tağım - Bölük komandiri | 350 | 500 | 420 | 650 |
| 5 | Kapitan | Bölük komandiri | 400 | 600 | 450 | 650 |
| 6 | Mayor | Tabur komandiri | 500 | 700 | 530 | 730 |
| 7 | Polkovnik-leytenant | Briqada kom. müavini | 700 | 900 | 730 | 930 |
| 8 | Polkovnik | Briqada komandiri | 900 | 1200 | 910 | 1220 |
| 9 | General-mayor | Korpus komandiri | 1300 | 1750 | 1300 | 1750 |
| 10 | General-leytenant | Müdafiə nazirinin müavini | 1700 | - | 1700 | - |
| 11 | General-polkovnik | Müdafiə naziri | 2300 | - | 2300 | - |
“Doktrina” mərkəzinin ekspertlərinin fikrincə, müddətdən artıq hərbi xidmət qulluqçularından (MAXHQ) tutmuş baş leytenant rütbəsi daxil olmaqla rütbələr daşıyan və tağım komandirinin müavini vəzifəsindən tutmuş bölük komandiri vəzifəsinədək hərbi qulluqçuların aylıq vəzifə (tarif) maaşlarının orta hesabla 50-65 faiz, daha yuxarı rütbəli və vəzifəli hərbi qulluqçularda isə bu artımın 10-20 faiz həcmində olması gözlənilir.
"General rütbəli hərbi qulluqçularda isə məvacib artımının olmayacağına dair məlumatlar mövcuddur"-deyə “Doktrina”dan Modern.az-a bildirilib.
Modern.az
