Türkiyədə futbol korrupsiyasındakı suçlarla əlaqədar polis əməliyyata başlayıb. Modern.az-ın Türkiyə mətbuatına istinadən verdiyi xəbərə görə, əməliyyat zamanı aralarında İstanbulun "Fənərbaxça" klubunun prezidenti Əziz Yıldırım da olduğu xeyli adam saxlanılıb.
Hüquq-mühafizə orqanları son mövsümdə çempion olmuş «Fənərbaxça»nın axırıncı iki oyunu ilə bağlı araşdırmalar aparırlar. «Fənərbaxça» – «Eskişehirspor» və «Fənərbaxça»nın çempionluğunu elan etdiyi «Fənərbaxça»- «Sivasspor» oyunlarının rüşvət müqabilində İstanbul nəhənginə satıldığı iddia olunur.
Elə bununla əlqədar klub prezidenti Əziz Yıldırımla yanaşı, "Fənərbaxça"nın vitse-prezidenti Şekip Mosturoğlu, futbolçular Sərkan Çalık, Sərdar Kulbilge və ümumilikdə 50 nəfər saxlanılıb. «Sivasspor»un prezidenti Məcnun Odyakmaz, «Eskişehirspor»un baş məşqçisi Bülənt Uyğun da saxlanılanlar sırasındadır. Saxlanılanların hamısı oyun alqı-satqısında şübhəli bilinir.
Məlumata görə, polis "Fənərbaxça"nın "Eskişehirspor"u 3:1 hesabıyla məğlub etdiyi oyunun "satılması" versiyasını araşdırır. Bundan başqa, "Eskişehirspor" - "Trabzonspor" (1:1) matçıyla bağlı da araşdırma aparılır.
Polisin "Fənərbaxça" və "Trabzonspor"un ofislərində yoxlama apardığı bildirilir.
Əməliyyatın həftəsonuna qədər davam edəcəyi və saxlanılanların ən azı 150-ə çatacağı bildirilir.
