“Azərsu” Açıq Səhmdar Cəmiyyəti istehlakçıların nəzərinə çatdırır ki, Akim Abbasov və Ələsgər Ələkbərov küçələrinin kəsişməsində 350 mm diametrli xətdə baş vermiş qəza ilə əlaqədar Yasamal rayonunun bəzi ərazilərinə içməli suyun verilişində məhdudiyyətlər yaranıb. Bununla əlaqədar “Salyan kazarması” adlanan hərbi şəhərcik, İ.Qutqaşınlı küçəsi və “İzmir” prospektinin bir hissəsinin su təchizatı müvəqqəti dayandırılıb. Bu barədə Modern.az-a “Azərsu” ASC-nin Mətbuat xidməti və ictimaiyyətlə əlaqələr şöbəsindən məlumat verilib.
Bildirilib ki, iyulun 5-i axşam saatlarından Yasamal Sukanal Sahəsinin qəza-bərpa qrupu qəzanın nəticələrinin aradan qaldırılması başlayıb və təmir işləri bu gün başa çatdırılacaq”.
Modern.az
