“Eurovision-2012” mahnı müsabiqəsində iştrak etmək üçün Azərbaycana gələcək qonaqların yerləşdiriləcəyi mehmanxanalar artıq müəyyənləşib. Bu barədə mədəniyyət və turizim naziri Əbülfəz Qarayev jurnalistlərə açıqlamasında bildirib. Modern.az saytı xəbər verir ki, nazirin sözlərinə görə, “Eurovision” mahnı müsabiqəsi ilə bağlı dövlət təşkilat komitəsi yaradılıb, onun rəhbəri Heydər Əliyev Fondunun prezidenti, millət vəkili Mehriban xanım Əliyeva artıq iclas keçirib və müvafiq tapşırıqlarını verib.
“Mədəniyyət və Turizim Nazirliyinin üzərinə düşən işin həcmi müəyyənləşib, biz işimizin hazırlıq mərhələsindəyik. Müəyyənləşdiririk ki, gələn qonaqlar hansı otellərdə qalacaqlar, nə qədər yerləşmə yerlərimiz var, türistlərə nə cür xidmətlər göstərəcəyik və s. Bütun bunlar hamısı vahid bir tədbirlər toplusunda həyata keçirilməlidi”.
Nazir onu da bildirib ki, təşkilat komitəsi tərəfindən bütun nazirliklər müvafiq tapşırıqlarını alıblar və bu işlə məşğuldurlar.
