“Bacarıqlı Əllər Dünyası” İctimai Birliyi Azərbaycanın Bakı şəhəri , İsmayıllı, Şamaxı, Şəki kimi turizm bölgələrində zəngin əl işlərinin tədrisi və gənclərin maarifləndirməsi məqsədilə xüsusi layihələr hazırlayaraq kurslar keçirib.
Bu barədə Modern.az saytına təşkilatdan məlumat verilib.
Birliyin üzvləri Nurcahan Kərimova, Zülfiyyə Salayeva, Rəna Cəlilova kimi təcrübəli müəllimlər başda Azada Məmmədova olmaqla yuxarıda qeyd olunan şəhərlərdə kurslar keçirirlər. Kurslarda gənc istedadlar, təsviri sənət və dekorativ-tətbiqi sənət yaradıcılığına marağı olan müəllimlərdən milli incəsənətin sirlərini, incəliklərini öyrənir, lazım gəldikdə sərbəst düşüncələrini ifadə edir, diskusiyalar aparırlar.
Qeyd edək ki, layihə Prezident yanında Qeyri-Hökumət Təşkilatlarına Dövlət Dəstəyi Şurasının mailiyyə dəstəyi ilə həyata keçiriıir.
Modern.az
