İsveçdə səfərdə olan millət vəkili, Azərbaycanın AŞPA-dakı nümayəndə heyətinin üzvü Qənirə Paşayeva bu ölkənin Türk kökənli millət vəkili, Yaşıllar Partiyasının parlament qrupunun rəhbəri, Partiyanın İdarə heyətinin üzvü Mehmet Kaplanla görüşüb. Görüş zamanı millət vəkili Mehmet Kaplana Azərbaycanın öz müstəqilliyini yenidən əldə etməsi illərində Ermənistanın etnik təmizləmə siyasəti apararaq 200 mindən çox azərbaycanlını Ermənistandakı öz tarixi ata-baba yurdlarından zorla çıxarması, Azərbaycan torpaqlarının 20 faizini işğal etməsi, işğal etdiyi Azərbaycan torpaqlarında törətdiyi vandalizm aktları, azərbaycanlılara məxsus tarixi, mədəni, dini abidələri, qəbiristanlıqları dağıtmaları, dinc azərbaycanlılara qarşı törətdikləri soyqırımıları, rəsmi İrəvanın 1 milyon azərbaycanlı qaçqın və məcburi köçkünün 15 ildən artıqdır ki, öz evinə dönməsinə imkan verməməsi barədə ətraflı məlumatlar çatdırıb. BMT Təhlükəsizlik Şurasının 4 qətnaməsinin, Avropa Şurası Parlament Assambleyasının 1416 saylı qətnaməsinin, yəni Ermənistandan işğal etdiyi Azərbaycan torpaqlarından çəkilməsini tələb edən qətnamələrinin rəsmi İrəvan tərəfindən indiyə qədər yerinə yetirilməməsi barədə də danışan millət vəkili ATƏT-in Minsk qrupunun üzvü kimi İsveçin də Dağlıq Qarabağ probleminin ədalətli həllində səylərini artırmasının vacibliyini diqqətə çatdırıb.
Millət vəkili Qənirə Paşayeva Mehmet Kaplana Dağlıq Qarabağ problemi ilə bağlı qətnamə layihəsi hazırlayaraq İşveç parlametinə təqdim etməsinə görə Azərbaycan, azərbaycanlı qaçqın və məcburi köçkünlər adından təşəkkürünü bildirib. Mehmet Kaplan Azərbaycan torpaqlarının hələ də Ermənistanın işğalı altında olması, 1 milyon insanın öz ev-eşiyinə dönə bilməməsinin böyük bir ədalətsizlik olması, buna son verilməsi üçün beynəlxalq ictimayyətin öz səylərini artırmalı olması və bu istiqamətdə Azərbaycana əlindən gələn dəstəyi göstərməkdə davam edəcəyini vurğulayıb.
Görüş zamanı müxtəlif coğrafiyalardan İsveçə gələrək bu ölkədə yaşayan Türklər, onlar arasında əməkdaşlığın genişləndirilməsinin vacibliyi ilə bağlı da fikir mübadiləsi aparılıb.
Qənirə Paşayeva Mehmet Kaplana həmçinin Azərbaycanın inkişafı, xarici siyasəti, Avropaya inteqrasiya istiqamətində görülən işlər barədə də məlumatlar verib və bu istiqamətdə fikir mübadiləsi aparılıb.
Millət vəkili Mehmet Kaplana Azərbaycanın tarixi, Qarabağ həqiqətləri, Azərbaycanın mədəniyyəti, musiqisi ilə bağlı kitablar və materiallar da təqdim edib. Azərbaycan-İşveç Parlamentlərarası əlaqələrin inkişafının vacibliyinə xüsusi toxunan millət vəkili Qənirə Paşayeva Mehmet Kaplanı Azərbaycana dəvət edib. İndiyə qədər Azərbaycanda olmadığını deyən Mehmet Kaplan Azərbaycana gəlməkdən məmun olacağını deyib.
Qənirə Paşayeva İsveçin millət vəkili, Avropa Birliyi Məsələləri üzrə Komitənin sədr müavini, Liberal Partiyasının İdarə Heyətinin üzvü Count Karl Peter Bastiat Hamiltonla da görüşüb. Görüş zamanı millət vəkili Karl Hamiltona Azərbaycanın tarixi, bütün müsəlman Şərqində ilk Demokratik Respublika qurması, ilk dəfə qadınlara seçmək və seçilmək haqqının verilməsi barədə məlumatlar verib. Qənirə Paşayeva Ermənistanın Azərbaycana qarşı apardığı tacavüzkar sityasət barədə də isveçli həmkarına ətraflı məlumat verib.
Millət vəkili Karl Hamiltona Azərbaycanın tarixi, Qarabağ həqiqətləri, Azərbaycanın mədəniyyəti, musiqisi ilə bağlı kitablar və materiallar da təqdim edib. Azərbaycan-İşveç Parlamentlərarası əlaqələrin inkişafı vacibliyinə xüsusi toxunan Qənirə Paşayeva Karl Hamiltonu Azərbaycana dəvət edib. İndiyə qədər Azərbaycanda olmadığını deyən Karl Hamilton dəvəti qəbul edib.
Qənirə Paşayeva Stokholmda İsveç Türk İşçi Dərnəkləri Federasiyasının rəhbəri, Stokholm Böyük Şəhər Bələdiyyə Məclisinin üzvü Hasan Dölek, Türk Gənclər Federasiyasının sədri Erol Yücel və təşkilatın fəalları ilə görüşüb.
Görüşlər zamanı millət vəkili Ermənistanın Azərbaycana qarşı apardığı etnik təmizləmə siyasəri barədə ətraflı məlumat verib.
BMT Təhlükəsizlik Şurasının 4 qətnaməsinin, Avropa Şurası Parlament Assambleyasının 1416 saylı qətnaməsinin, yəni Ermənistandan işğal etdiyi Azərbaycan torpaqlarından çəkilməsini tələb edən qətnamələrinin rəsmi İrəvan tərəfindən indiyə qədər yerinə yetirilməməsi barədə də danışan millət vəkili ATƏT-in Minsk qrupunun üzvü kimi İsveçin də Dağlıq Qarabağ probleminin ədalətli həllində səylərini artırmasının vacibliyini diqqətə çatdırıb.
Millət vəkili bildirib ki, dünyanın hər yerində, o cümlədən İsveçdə yaşayan Türk millətinin nümayəndələri Ermənistanın törətdiyi vandalizm aktlarını, erməni yalanlarını və Azərbaycan həqiqətlərini yaşadıqları ölkələrin ictimaiyyətinə və beynəlxalq ictimaiyyətə daha geniş çatdırılması və qondarma erməni soyqırımı yalanlarının qarşısının alınması istiqamətində səylərini daha da artırmalıdırlar. O, İşveçdə yaşayan, dünyanın müxtəlif coğrafiyalarından bu ölkəyə gəlmiş Türk kökənli insanların və onların təşkilatlarının koordinasiya olunmuş şəkildə, biri-birilərinə sıx dəstək verərək çalışmalarının və Türk Dünyasını narahat edən bütün problemlərin həllinə dəstək göstərmək üçün bərabər çalışmaların artmasının vacibliyini diqqətə çatdırıb.
İsveç Türk İşçi Dərnəkləri Federasiyasının rəhbəri, Stokholm Böyük Şəhır Bələdiyyə Məclisinin üzvü Hasan Dölek, Türk Gənclər Federasiyasının sədri Erol Yücel və təşkilatın fəalları bu istiqamətdə səylərinin və gördükləri işlərin getdikcə sürətlənməsini vurğulayaraq görülən işlər, əldə edilən müəyyən nəticələr və nəzərdə tutulan planlar barədə millət vəkilinə məlumatlar veriblər.
Qənirə Paşayeva onlara Azərbaycanın tarixi, Qarabağ həqiqətləri ilə bağlı kitablar və materiallar da təqdim edib və onları Azərbaycana dəvət edib.
Modern.az
