Şimali Kipr Türk Respublikasının (Quzey Kıprıs Türk Cümhuriyyəti) adı 2012-ci ildə dəyişə bilər. Modern.az saytının məlumatına görə, bu barədə Türkiyənin “Milliyyət” qəzeti xəbər verib. Xəbərdə bildirilir ki, Şimali Kipr Türk Respublikasının dövlət başçısı Dərviş Əroğlu yeni Konstitusiyanın qəbulundan və ölkənin adının dəyişilməsindən bəhs edib.
Dərviş Əroğlu deyib ki, 2012-ci ildə Kipr problemi çözülməyəcəyi təqdirdə yeni Konstitusiyanın qəbulu ilə yola davam ediləcək, bu halda isə dövlətin adının belə dəyişə biləcəyi gözlənilir.
D.Əroğlu ad dəyişikliyinə gedilsə, dövlətin adının "Şimali Kipr Türk Dövləti" və ya "Kipr Türk Dövləti" ola biləcəyini söyləyib.
Modern.az
