Ölkə mətbuatında yayılan xəbərlərə görə, Azərbaycanda fəaliyyət göstərən məscidlər QMİ-nin balansından alınıb bələdiyyələrə veriləcək. Azərbaycan hökumətində bununla bağlı müzakirələr aparıldığı bildirilir.
Modern.az saytı məsələ ilə bağlı Qafqaz Müsəlmanları İdarəsindən (QMİ) rəsmi münasibət öyrənib. QMİ-nin mətbuat xidmətinin rəhbəri Rəhimə Dadaşova saytımıza bildirib ki, belə bir məsələ gündəmdə yoxdur və bununla bağlı QMİ-də heç bir müzakirə aparılmır.
R.Dadaşova onu da bildirib ki, məscidlər və digər ibadət məkanları bu günədək heç bir balansda, o cümlədən, Qafqaz Müsəlmanları İdarəsinin balansında olmayıb.
”Əgər qanunvericilik səviyyəsində bu və ya digər dəyişiklik gündəmə gətirilərsə, bu zaman bütün ictimaiyyət bu barədə məlumatlı olacaq”-deyə R.Dadaşova qeyd edib.
Mail Ağaxanov
