Modern.az xəbər verir ki, Baş nazir Artur Rasizadənin imzaladığı qərarla sovet dövründən qalan əmanətlərin Azərbaycan vətəndaşlarına qaytarılmasını təmin etmək məqsədilə xüsusi komissya yaradılıb.
Qərarda bildirilib ki, keçmiş SSRİ Əmanət Bankının Azərbaycan Respublikası Bankının Azərbaycan vətəndaşları olan əmanətçilərinə fərdi birdəfəlik ödəmələrin verilməsi zamanı yaranmış mübahisəli məsələlərə baxılması, müvafiq qərarların qəbul edilməsi və bu işlərə ümumi nəzarətin həyata keçirilməsi məqsədi ilə Maliyyə Nazirliyinin nəzdində aşağıdakı tərkibdə Xüsusi Komissiya yaradılır:
Komissiyanın sədri
Razim Vəliyev - Azərbaycan Respublikası Maliyyə Nazirliyinin Dövlət Borcunun İdarə Edilməsi Agentliyinin direktoru
Komissiyanın üzvləri:
Mirağa Abbasov - Azərbaycan Respublikası Ədliyyə Nazirliyinin Qeydiyyat və notariat baş idarəsinin baş məsləhətçisi
Seymur İsmayılov - Azərbaycan Respublikası Ədliyyə Nazirliyinin Qanunvericilik baş idarəsinin aparıcı məsləhətçisi
Şəmsəddin Sadıxov - Azərbaycan Respublikası Daxili İşlər Nazirliyinin Maliyyə-plan idarəsinin baş inspektoru
Faiq Qarayev - Azərbaycan Respublikası Daxili İşlər Nazirliyinin Baş mütəşəkkil cinayətkarlıqla mübarizə idarəsinin baş inspektoru
Faiq İsgəndərov - Azərbaycan Respublikası İqtisadi İnkişaf Nazirliyinin iqtisadi siyasət, təhlil, proqnozlaşdırma şöbəsinin baş məsləhətçisi
Maqsud Tağıyev - Azərbaycan Respublikası İqtisadi İnkişaf Nazirliyinin iqtisadi siyasət, təhlil, proqnozlaşdırma şöbəsinin məsləhətçisi
Samir Nəsibov - Azərbaycan Respublikası Maliyyə Nazirliyinin hüquq şöbəsinin baş məsləhətçisi
Natiq Rəsulov - Azərbaycan Respublikası Maliyyə Nazirliyinin vergi siyasəti və gəlirlər şöbəsinin baş məsləhətçisi
Şahin Məmmədov - Azərbaycan Respublikası Maliyyə Nazirliyinin Dövlət Borcunun İdarə Edilməsi Agentliyinin daxili borcun uçotu və icmallaşdırılması şöbəsinin baş məsləhətçisi
Nizami İbrahimli - Azərbaycan Respublikası Maliyyə Nazirliyinin Dövlət Maliyyə Nəzarəti Xidmətinin büdcə təşkilatlarında nəzarət tədbirlərinin aparılması şöbəsinin aparıcı məsləhətçi-nəzarətçi müfəttişi
Babək Hüseynov - Azərbaycan Respublikası Əmək və Əhalinin Sosial Müdafiəsi Nazirliyinin sosial təminat siyasəti şöbəsi müdirinin müavini
Elman Quliyev - Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sosial təminat və humanitar yardım şöbəsinin sektor müdiri
Asim Əsədov - Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Beynəlxalq əlaqələr, mətbuat və informasiya xidməti departamentinin aparıcı məsləhətçisi
Fikrət Məmmədov - Azərbaycan Respublikası Dövlət Sosial Müdafiə Fondunun aparatının sığorta-pensiya siyasəti və strateji araşdırmalar şöbəsi müdirinin müavini
Sözügedən qərarla keçmiş SSRİ Əmanət Bankının Azərbaycan Respublikası Bankının Azərbaycan Respublikasının vətəndaşları olan əmanətçilərinə fərdi birdəfəlik ödəmələrin verilməsi zamanı yaranmış mübahisəli məsələlərə baxılması, müvafiq qərarların qəbul edilməsi və bu işlərə ümumi nəzarətin həyata keçirilməsi məqsədi ilə yaradılmış Xüsusi Komissiyanın fəaliyyət Qaydası təsdiq edilib.
Qərarda bildirilib ki, keçmiş SSRİ Əmanət Bankının Azərbaycan Respublikası Bankının Azərbaycan Respublikasının vətəndaşları olan əmanətçilərinə fərdi birdəfəlik ödəmələrin verilməsi və bu işin təşkil edilməsi, o cümlədən bu işin icrası üçün "Kapital Bank" Açıq Səhmdar Cəmiyyəti tərəfindən müddətli əmək müqavilələri əsasında əlavə işçi qüvvəsinin cəlb edilməsi, onların yerləşdirilməsi xərclərinin ödənilməsi, maddi-texniki və proqram təminatı məsələlərinin həll edilməsi məqsədi ilə 2012-ci ilin dövlət büdcəsində nəzərdə tutulmuş Ehtiyat Fondundan Azərbaycan Respublikasının Maliyyə Nazirliyinə ilkin olaraq 300000000 (üç yüz milyon) manat məbləğində vəsait ayrılır.
Modern.az
