Gəncədə asbest şiferli dam örtüyü olan yaşayış evlərinin siyahıya alınması işi başlanıb. Bu barədə məlumatı Modern.az-a Gəncə şəhər Mənzil Kommunal İstehsalat Birliyinin rəisi Elgün Məmmədov verib. Onun sözlərinə görə, Mənzil İstismar sahələrinin rəislərinə ərazilərində olan asbest örtüklü damları müəyyənləşdirmək üçün göstəriş verilib. Məlumata görə, bir həftə ərzində Gəncədə olan asbest şiferli dam örtüklərinin ümumi sahəsi məlum olacaq.
Şəhərdə təxminən 2 milyon kvadratmetr sahəyə malik asbest dam örtüyünün qeydə alınacağı proqnozlaşdırılır.
