Tələbə Qəbulu üzrə Dövlət Komissiyasının mətbuat xidmətindən Modern.az-a verilən məlumata görə, 8 aprel tarixində keçirilən sınaq imtahanlarının nəticələri açıqlanıb. Nəticələr qurumun internet saytında yerləşdirilib.
(burada - //www.tqdk.gov.az/sinaq2012netice/).
Abituriyentlər həmçinin imtahan nəticələri barədə məlumatı mobil telefonla “İmtahancell” (Azercell nömrələrindən), “Cavab” (Bakcell nömrələrindən) və “Imtahan-info” (NAR Mobile) xidmətləri vasitəsilə də öyrənə bilərlər.
Qeyd edək ki, sınaq imtahanları aprelin 8-də Bakı, Naxçıvan, Gəncə, Tovuz, Qazax, Şəki, Zaqatala, Yevlax, Mingəçevir, Lənkəran, Ağcabədi, Göyçay, Kürdəmir, İsmayıllı, İmişli, Şirvan və Salyan şəhərlərində, həmçinin Naxçıvan Muxtar Respublikasının Kəngərli, Babək, Ordubad, Sədərək, Culfa, Şərur və Şahbuz rayonlarında keçirilib.
Anar RÜSTƏMOV
