"Dərslərin açılması mövzusu həm Təhsil Nazirliyində, həm də təhsil sistemində çalışanların ən böyük arzusudur".
Modern.az xəbər verir ki, bu fikirləri AzTV-nin "Hədəf" verilişinin qonağı olarkən Təhsil naziri Ceyhun Bayramov deyib.
Nazirin sözlərinə görə, təhsil sistemində tədrisin bərpa olunması 2 milyon insanın gündəlik hərəkət etməsi deməkdir:
“Bu gün ölkədə sanitar-epidemioloji vəziyyət tam nəzarət altındadır. Nazirlər Kabineti yanında Operativ Qərargah bütün məsələləri və riskləri nəzərə alaraq ölçüb-biçilmiş formada sanitar-epidemioloji vəziyyətdən asılı olaraq qərar qəbul edəcək”.
C.Bayramov deyib ki, bu həftə ərzində tədrisin dayanması müddətinin uzadılması barədə qərar qəbul edilsə, ictimaiyyətə məlumat veriləcək.
Xatırladaq ki, ölkədə tədris prosesi martın 3-də dayandırılıb.
